高鐡激辯

我很喜歡和別人「理性地」討論時事, 因為, 真理係會越辯越明, 香港真係好多人被政府矇騙, 想不到今次對手係一位舊同事...
註: 還有另外一位舊同事加入討論...

Sunny Leung
點解要反高鐵？

Ben Fan
地點和成本問題~

Sunny Leung
咁你認為地點在那會較適合？成本問題在於將來的效益，高鐵客運是世界的大趨勢！它可取代部份短途高營運成本的飛機航線，這點你不能否定！冇國家政府願意開發冇效益的東西~

Ben Fan
高鐵客運是蝕本的大趨勢！(台灣高鐡便是一例~)...冇國家政府願意開發冇效益的東西? (香港政府這個高鐡方案便是最佳例子!)...事實上, 很多人都贊成起高鐡, 只是地點和成本問題, 還有, 將全部大型工程同時進行, 建造業及工程界人手不足, 而且將來會造就大量過剩人手, 到時失業率肯定攀升, 我們不能短視, 要考慮將來呀！

Sunny Leung
過剩的人手相對高鐵效益的問題少,將來會有新的建設解決!主要是高鐵能便民,便商家,拉近國內的關係所帶來的經濟效益都能抵消高鐵的成本這就是不能短視,要考慮將來的原因!!!

Kerge Ho
冇國家政府願意開發冇效益的東西~?????迪迪尼就係一個失敗例子啦，港府出22X億，迪迪尼就出2X億。

Sunny Leung
迪迪尼問題在於規劃,現在評論還是早!

Kerge Ho
不是說其規劃，是說港府的「聰明」。你出四千，我出一百，跟住叫你買部IPHONE，但我用番三五七年先比你用，你肯嗎﹖

Sunny Leung
有效益就不是問題,主要是欠缺規劃導致冇效益!

Kerge Ho
快D買部IPHONE番黎比我用啦，你都有得用一定有效益，再過多一百年好值錢架。

Sunny Leung
修正:規劃欠吸引力導致低效益!

Kerge Ho
根本係一個傾斜的合同，就好似不平等條約咁，你唔明我都唔想多講。

Ben Fan
成日講效益, 香港高鐡正是欠缺規劃導致冇效益咯!!北京交通大學經濟及管理學院教授趙堅表示：「全球只有一兩條高鐵是賺錢的，當中有東京至大阪的子彈火車，其餘全部都虧本的。若果不是由政府津貼及營運，京津高速鐵路將會跟台灣高鐵一樣破產。」他說，京津高速鐵路的財務狀況並不為外界所知。已經從事高速鐵路研究多年的趙堅教授表示，高速鐵路的吸引力只限於三小時內的車程。再長的旅程，人們會選擇乘飛機。他說：「我要從香港到北京，一定會坐飛機。」

Sunny Leung
中,英當年的不平等條約導致今天繁華的香港是好是壞?高鐵是否虧本難以評定,高鐵有便中港市民及商家,對這些人來說都是賺的,他們受益後所制造的經濟效益可以抵消很多野...包括高鐵成本!

Sunny Leung
京津高鐵跟台灣高鐵不能完全解釋中港的情況,因為它們不是跨境營運,高鐵限於三小時太保守,香港去武漢不見得要很久,香港站位於市中心已節省了去機場的時間,更不用候機,登機等...加起來省時省錢及安全,還有是高鐵的速度日後會提升的...

Kerge Ho
你用南京、北京呢D條約去同我講果D不平等做類比﹖你連簡單的邏輯都無好難同你去討論架喎﹖

Kerge Ho
講多句唔想你唔明。我講果條合同好似不平等係指港府自己仆去比著數人家，自己製造不平等，你講果D係人地擺明打贏仗屈機屈地。根本兩個不同的事件無可能比較。

Kerge Ho
用669億去起條26KM的鐵路，話值果個都要睇下醫生。

Ben Fan
「京津高鐵跟台灣高鐵不能完全解釋中港的情況,因為它們不是跨境營運...」阿新, 正正因為跨境營運原因, 香港行一國兩制, 香港高鐡絕不是高鐡!! 係一地兩檢呢個大障礙下, 它只是一條中速鐡路, 甚至和直通車沒有分別!! 用669億去起條26KM的中速鐵路, 值得嗎!?!?!?!?!?!?!?!

Sunny Leung
港府自己制造不平等是你個人的理解,如果迪迪尼在賺錢的時候公平嗎?比人屈機屈地都有好成果,點解自己做大股東唔可以好,最緊要係要把它改良!669億26KM可以解釋是貴,但解釋唔到同醫生的關係!用669億起條26KM鐵路係因為有需要,早就說了高鐵可帶動經濟活動能抵消部份成本,方便中,港兩地的市民又如何衡量其價值?

Sunny Leung
一地兩檢是甚麼大障礙?你作文啊?坐飛機唔洗檢啊?鐵路檢查會嚴格過飛機?點解會把條高速鐵路說成中速鐵路,它冇受惠武廣高速段,要說整體的平均速度才是合理的說法!669億唔值咁要幾多錢起才是合理價值?!?!?!?!?!?!?!

Sunny Leung
有冇諗過條鐵路落成後可為中港關係定下下一步的基礎,果條數點計?

Kerge Ho
BEN，慳點手力，他連一地兩檢涉及一國兩制的原則都不懂，迪迪尼連入場人數都唔敢公布佢都覺得呢個係好野，對牛彈琴可不是我的嗜好。

Sunny Leung
你又係度作文啊?我幾時有認同迪迪尼未有公布入場人數是對!你唔明白別人講乜就當別人不懂!挖苦別人當討論理據!本身提出迪迪尼的事件已經是一個問題,家陣講的是高鐵,應該係對事來討論,翻舊賬有甚麼意思?可以解決問題麼?

Sunny Leung
高鐵事件最影響是菜園村居民,有些人不是要賠償,錢係補償唔到生活多年的情感!點解你地唔用佢作討論條件???

Kerge Ho
原來你中文真的係很差，理解不足就說別人作文。「迪迪尼(連入場人數都唔敢公布佢)都覺得呢個係好野」呢句，括號內文字係形容迪迪尼，唔係話你，不要對號入座話人作文屈你，你係都要打埋個括號先明我都無計。以西方的詞語去說，迪迪尼絕對係一個white elephant。錯是可以，但不要一錯再錯，這不是叫翻舊帳，讀歷史就是要學懂如何面對將來。唔怪得你口中經常話乜鬼經濟效益，你原來只認為高鐵最影響菜園村，但我們考慮並非單一影響。最後，我們一向也是道不同，明白嗎﹖

Ben Fan
阿新, 唔明我講到你明, 我希望你能獨立思考, 分辨是非 「一地兩檢是甚麼大障礙?」香港基本法不容許一地兩檢, 即係話要兩地兩檢, 係兩地兩檢既情況下, 高鐡係同現在既直通車冇分別, 明嗎? 呢個問題, 局長鄭x華都話未諗到點解決呀...哈哈~「點解會把條高速鐵路說成中速鐵路? 」因為香港段係行隧道, 隧道最高時速係169km/hr, 而且香港段既平均速度係126km/hr !! 真正高鐡係廣州石壁之後, 現在香港政府就係用669億去起香港26km長既中速鐵路(不包括大陸段), 明嗎? 你成日話「高鐵可帶動經濟活動...」証據呢? 誰說呀? 有例子嗎? 況且香港已有多個關口連接大陞了, 阿新, 現在係2010啦, 不要再用N年前既思維吧~