Ben's Choice: 11月11日Larry&Karan結婚之囍

我想有唔少人都想知道我對呢個婚禮的感想, ok! 我就在此寫一些幕後花絮吧!!

當日一朝早, 已經收到新郎哥Larry的MSN, 哈哈, 他說昨晚只睡了一小時, 不過, 我當日真的睇唔出, 可能, 主角永遠是主角, 所有疲累都被當日快樂所掩蓋。

每次有朋友邀請我做兄弟, 基本上我都願意呀, 因為我覺得人家叫得你, 就已經說出你係對方心目中既地位, 每個人都有唔少朋友, 但係, 朋友之中也有close, 也有普通, 邊d係最好朋友, 最夾既, 我就覺得結婚時, 兄弟名單, 姊妹名單, 已經說出答案啦。

所以, Larry叫我做兄弟, 我有八個大字, 口邊時常掛著...就是「義不容辭，與有榮焉」, 呢八個大字, 真係發自內心架, 哈哈!

當然, 你問我會有甚麼考慮, 事實上, 我會留意兄弟名單咯, 高興的是Larry's兄弟名單, 可以說是像2004年新界東泛民立法會選舉名單一樣......「鑽石名單」呀!! 除左阿揚, 當日不在香港...如果唔係, 肯定更加開心!

接新娘, 當日氣氛其實不俗, 因為始終都係個句, 新郎哥Larry好玩得, 夠kai(這是褒義)!! 當然, Karan 的一班好姊妹也ok, 能夠攪起氣氛, 始終, 大家玩得高興, 係好重要呀!! (上次Samuel & Adeline 記名個招伎倆真係好work, 好玩!! 今次重用, 情不自禁同Larry give me five...)

我地一班兄弟, 花盡心思, 送一份小禮物(電子相架)俾Larry&Karen, 希望他們會喜歡吧, 送電子相架係江仔提議, 我覺得好呀, 可以時不時換相, 有紀念價值!! (我原本是希望幾個兄弟抬部雪櫃送俾佢地...)

37位酒席既婚宴, 對我來說, 真的不少, 當我想起要對著起埋400人面前做MC, 有冇怯? 係有既, 不過好少! 哈哈...真的, 當晚其實我冇嘜點緊張, 其中一個原因我想是之前做過婚宴的MC吧...今次司儀稿係用左一個星期去度, 成份稿係我同名師諗既, 之後, 不停修訂再修訂, 最後, 再經Larry&Karan審議同俾意見, 不過, 當初同名師度既時候, 有d地方怕過左火位, 點知Karan覺得冇問題, 仲話正, 哈哈, 呢d咪叫開明咯!

有一點值得一提, 就係我同名師同奧巴馬都要求變, CHANGE!! 所以, 傳統既司儀稿, 我地都希望盡量唔用啦, 因為主人家Larry係一個好有創意既人, 如果要講"行"既司儀稿, 佢都唔駛搵我同名師啦, Larry...you found the right persons!

我同名師做partner, 係一個新嘗試, Larry話信晒我地, 問題係我地信唔過自己呢, 哈哈, 雖然我承認, 我地三個人係鐡三角組合, 你問我所認識既朋友當中, 講笑最叻, 肯定係我地啦, 不是自大, 係事實, this is fact!

做MC, 最怕台下冇反應, 你叫我對著一班朋友講笑, 係好輕而易舉, 完全冇難度既事!! 但係, 你叫我對著一班素未謀面既賓客講笑, 我真係冇嘜經驗, 即使係黃子華, 詹瑞文, 許冠文呢d大師級, 你地覺得佢地搞笑, 有一半也是因為你認識他們, stereotype左佢地, 所以, 度稿時, 我同名師都有考慮到呢點呀!

當晚, 大概練左十多次吧, 有位姊妹問我地點解好似咁得閒, 唔駛點練稿, 因為有自信嗎!! 要我地揸住一張一張卡, 左睇右睇, 肯定唔會啦!! 不過, 我見到老表名師真係有d緊張, 我成日同佢講: 「放心啦, 我地兩個人嗎, 大家補住大家, 有嘜講錯, 咪互補咯」...練習時...Larry&Karan...有時會講左Karry, Laran, Larry&Larry, Karan&Karan...哈哈, 最後上到台有冇講錯?...哈哈, 你話呢? (上台前, 本想練多最後一次, 點知突然間好多野攪, 名師又話想去多次廁所, 我地結果練左一半...「唔理啦, 我地就咁啦, 上到台再算啦!」...就正式上台開始啦, 回想番起當晚情況, 也覺好笑...)

盧大哥話我表現outstanding!! 哈哈, 我信佢架!! 你問我俾自己幾多分? 80分啦, 我都幾滿意自己表現啦, 名師表現都真的不錯架, 當然, 能夠幫到Larry&Karan, 呢點梗係最重要啦!!

我們留落他鄉的朋友...阿揚, 段片真係節錄左Larry好多珍貴片段, 好感人!! (如果背後音樂改用Kent - 747, 我同Larry一定哼唱...Silence,like a whisper...我想我會淚灑當場呀...哈哈, 當然, 此曲歌詞不太適宜...或者用Embrace, James Blunt...)

個surprise都真係好surprise..我見到Karan 一路睇一路感動到喊, 就知道呢筆錢Larry係俾得值啦, Larry"好似"都有喊, 可能是因為太貴吧...哈哈...個兩位工作人員, 當初, 我以為只是播片, 做下戲, 想不到我地原來有好多野要準備, 又要記位, 又要記schedule, 又要帶talkie...我地有位兄弟, 聽說俾其中一位工作人員入房罵左幾句, 哈哈, 我好明白個位兄弟感受呀, 我撐你架, 江仔!! 你忍氣吞聲, 係俾面Larry&Karan, 呢d契弟, 唔駛同佢嘈, 我地係主人佢係狗, 佢做到野, 而又令Karan感動, ok啦, 不過, Larry真係要同個位工作人員講聲啦, 莊閒不分, 醒爬d啦!!

還有一點, 就是要錄我地兄弟姊妹對新人講既幾句說話, 哈哈, 我係眾兄弟中第一位講先, 當部機準備pan過黎時, 我腦海仍然一片空白!!我真係唔知講嘜, 心諗, 唔通好似克勤仔咁...「er ..er ..er ...搓our breast?...」咁瘀? 好彩, 一埋機, 有靈感! 即時能夠完全發自內心, 爆出幾句感人說話, 大家有機會, 要睇睇啦!!

在此, 祝Larry&Karan新婚快樂!!