12月23日的日記

晨早5點幾起身, 比平日上班更早, 但一點賴床也沒有, 因為這是一日非常值得記念的日子, 這是我的好朋友,
江仔和Tammy 結婚的日子!

7:15 a.m. 等巴士期間, 開電話收到今天的主角的sms, 哈哈, 內容對極了, Let's start our memorial day!

7:35 a.m. 收到 Larry 的電話, 他說已經到達Kong's home , 嘩, 這麼早!!

8:00 a.m. 行到Kong's home 樓下隨道附近, 差點撞到迎面而來的行人, 抬頭一望, 原來是Larry, 他原來在樓下接我上去...上到 Kong's home, 阿Yeung 已經到左, 江仔亦都換好禮服, 真帥呀~~江仔的父母, 在大富猴年宵見過一次, 今次望真d, 覺得他們好慈祥和藹呀, 還有, 他們準備的早餐, 味道不錯 (雖然朝早吃魯水食物, 我覺得仍是比較特別...), 集齊所有兄弟, 大顆兒到樓下茶餐廳吃早餐, 感覺真係正, 覺得我地成班人好有型!

9:45 a.m. 去到Tammy's home, 攝影師同 Video man 到齊, 在樓下還拍了一些有趣的相片和movie, 我想效果應該蠻有趣呢, 接著去接新娘啦, d姊妹都沒有太為難我們的主角江仔呢, 遊戲唔難, 只係答下問題, 食下提子同湯丸 (我就只係食左一粒提子, 因為怕傷到把聲...), 阿Yeung 就真係食提子食到飽啦..哈哈...Tammy 揀個兩首俾江仔唱既情歌...真係好肉麻呢...不過唔知佢係睡房聽唔聽到...上個星期食飯期間Tammy 提到要江仔唱老鼠愛大米, 我就幫江仔print 左份歌詞, 還特別在星期二練了一陣鋼琴伴奏, 不過, 當真正去彈既時候, 發現琴有點走音呢, 同埋有d chord 我唔記得左, 哈哈, 幸好最後都過關...(我今次亦都明白點解女仔咁鍾意聽情歌, 因為真係好冧呀)...最後Tammy 在岳父陪同下出黎啦, Tammy 淚晒當場, 好感人呀......

12:40 p.m.去註冊啦, 我們gi的同學及時到達, 宣讀結婚誓詞, 真係同樣感人, 走出場地, video man 叫排成兩行, 夾道用掌聲去恭喜一對新人, 呢個主意真不錯呢.

2:00 p.m. 去皇廷食午飯, 席上送上我們一班兄弟夾份買的小禮物, 一對結婚的 Micky and Minnie 水晶, 我想他們應該蠻喜愛吧!

3:00 p.m. 食完飯, 我, 阿Yeung, Larry 都眼訓到爆, 小睡片刻, 回復精力, 接著預備今晚婚宴啦, 同Larry 夾稿, 大崗在一星期前已經準備好啦...較特別是在星期五晚, 我地破天荒進行一個(自稱)三大gag王 (Larry, Ming C and I) 撞gag 三人通電話會議, 在此真係要多謝 Larry and Ming C, 帶俾我一d新靈感.

5:00 p.m. 上台試咪, 嘩, 支咪好得wor, 聲靚又清, 還同Larry 在台上自娛一番.

8:20 p.m. 我們gi 同學同一對新人影相, 差不多所有同學都出席啦, 聲勢係當晚最浩大, 我們既團隊精神真係好好呀!

8:45 p.m. 婚宴正式開始, 上台同Larry做mc 啦, 今次應該係我第一次在公眾場合做司儀啦, 緊張就無啦, 只係驚賓客無反應, 好彩他們亦俾到預期反應, 其實, 之前江仔叫我做mc, 我真係有點驚啦, 因為我覺得這是一個莊嚴的場合, 我怕係長輩面前失言, 多謝江仔俾鼓勵我啦, 同埋同Larry 合作, 絕對係賞心樂事, 記得臨開始前, 同Larry 係toilet 到又自娛一番, 有時真係覺得我地好鬼低能, 不過真係好開心.

11:30 p.m. 散席, 收到大飛同Au Yueng call , 叫去唱K, 我係想去, 不過我真係累到極點, 所以缺席啦.

1:00 a.m. 回到家中, 收到江仔多謝既sms, 我應該多謝你呢, 這真是一個令人難忘既大日子, 能為江仔& Tammy 出一分力, 是我的榮幸, 今次兄弟團陣容, 我想是最最最funny 啦, 阿Yeung, 名師, Larry, 阿灝, 南哥...恰當得好好啦..在過程中亦完全體驗到呢個兄弟團既歡樂和合作精神, 正如同阿Yeung 所講一樣, 這個日子就好像是我地平時gathering X 10, 由早玩到晚, 最緊要就係過程順利, 在此, 再次祝福江仔&Tammy百年好合, 永結同心!

滿城盡帶黃金甲

懷著普通的心情去看...睇完後發現套戲出奇地好看...畫面固然亮麗, 發哥和鞏俐演技無懈可擊, 更重要的是套戲有point!
絕對值得一看, 今天看了超人的影評, 甚為同意...

宜家男人﹕裏面的黃金甲
林超榮

當我們見到了最小的兒子也造反後，大王周潤發一手撕開他的衣服，裏面，也是一度黃金甲。

那就證明，權力的可怕。在高壓專制之下，每個人在皇子的華衣裏面，都會暗藏一件黃金甲，所謂黃金甲，就是黃金甲冑，等同黃袍加身，即是造反。

你可以說，張藝謀這次是貫串了《大紅燈籠高高掛》的主題，父權之下，造反只有死路一條。不過，《大》對反不予同情，也可以說，伸延了英雄的主題，你要反，都是破壞，於事無補。

這次有所不同的是，《黃》的三個兒子反了，大王的下場並不好過。他平亂之後，血洗廣場，再來一段歌舞慶典，故意拍得像《開國大典》如《杜蘭朵》一般，有心人一看，明白這是專制獨裁國家最慣常用來粉飾太平的諷刺。正言若反，笑裏藏刀，譏諷處處。

節氣，不是提醒觀眾，節氣時辰又是甚麼伏筆﹗獨裁者控制你每一個時間，包括你的喜你的悲，與飲食起居。正如開場時，周潤發講出外方內圓的所謂規矩，沒有人可以破壞。你看到，那一個圓，那一個方重重疊疊，真的夠諷刺。他的國或圓或方，沒有一定成規，只是由他詮釋，才是規矩，獨裁如此，夫復何言。

難怪，周潤發最後對周杰倫說﹕ 「朕，沒有給你的，你不能搶。」今日的演繹，呼之欲出﹕我不給你的，就不能擁有，包括自由民主權力與溫飽。

《滿城盡帶黃金甲》是張藝謀的上乘之作，他駕御大場面，已經是中國電影導演之冠。

2006 Gathering 幕後花絮

近日忙著我堂阿哥的婚禮, 現在終於有些時間空閒, 抽空談談上星期日(3/12) 我們每年一度在Bandroom舉行的大學朋友聚會, 今次我想講多d幕後花絮, 因為當日如何精彩, 大家有蒞臨的話都已經感受得到了...

其實那些嘉賓環節, 我在上年已構思好了, 特別是江仔那部份, 當晚的Song List 如下:

1) Plug in Baby (Original: Muse)
2) Time is running out (Original: Muse)
3) 無得比 (Original: 黃貫中)
4) 誰伴我闖蕩 (Original: Beyond)
5) 青春殘酷物語 (Original: 達明一派)
6) Bring it on down (Original: Oasis)
7) Let there be love (Original: Oasis)
8) Whatever (Original: Oasis)
9) 甲級戰犯 (Produced by Democwall)
10) 浮誇 (Original: 陳奕迅)
11) 千千闕歌 (Original: 陳慧嫻)

Encore:
12) 童話 (Original: 光良)
13) 有個人 (Original: 張學友)
14) 講不出再見 (Original: 譚詠麟)
15) Kindergarten (Produced by Democwall)

Encore again:
16) 浮誇 (Original: 陳奕迅)
17) 童話 (Original: 光良)

今次準備其實真係唔太足夠, 但係我真的好想係江仔結婚前舉行, 所以定下十二月頭, 隨後加緊練習, 我想我們"認真練習"大概練了八個晚上左右吧...如果多d時間準備, 我想效果一定會更好, 當然,當晚 Kenny & Kong 那部份, 我覺得仍然最正!

1) 玩奏頭兩首歌曲是Supporting Act, 分別是Jenny (Bass) & Ho (Drums), 他們是Bon (Guitar) 曼聯Club的朋友, 我們有次在Tin Shui Wai 表演也有找 Jenny (Bass) 幫手,今次亦好高興邀請他們, 難得的是我們喜愛的音樂類型也差不多,下次一定會合作多d歌, 希望擦出多d火花。

2) 無得比係我們十月睇完黃貫中演唱會後想玩既歌, 本來是打算玩奏缺口或回家, 無得比呢首歌真係幾好聽,當晚玩和唱都算是可以吧...

3) 誰伴我闖蕩是阿Bon (Guitar) 的選擇, 青春殘酷物語是 Roland (Guitar) 的選擇, 我對呢兩首歌沒有甚麼特別感覺, 只是記得當晚玩緊第一首歌時, Paul 哥正在熟睡當中...

4) Bring it on down 係Oasis 最早期的作品, 亦係我和阿 Bon 二月睇完Oasis Live 後最想玩既歌, 呢首歌真係好正, 一氣呵成, 阿Bon d solo 亦都好正!

5) Let there be love 係Oasis 新碟的作品, 對於鋼琴作品, 始終是我的喜好, 所以亦放在Run-down list當中, 當然唱得好唔好, 就另作別論...

6) Whatever 在二月我們中學班主任gathering中, 已玩過一次, 毫無疑問, 呢首歌非常正呀, 但係有個問題就係我們 Vocal FatYeung 成日唱錯, 甚至當日 Rehersal 仍然出錯, 我已叫他唔該狂聽原曲, 唔好強姦首歌,好彩最後他亦唱得不錯。

7) 甲級戰犯是一首比較另類的歌曲, 我在十一月份才張呢首歌既舖排玩法講俾其他成員聽, 因為我近年好鍾意其中一種音樂類型, 就係Post-rock, 所以亦張Post-rock元素, 混入甲級戰犯呢首歌裡面, 開頭個段獨白, Fatyeung 把聲好正, 好夾首歌, 其實, 首歌Final Version 版本, 是中段應該有把女聲唱歌,不過, 我搵唔到合適人選, 唯有以純音樂代替...當晚唯一瑕疵係阿Yin (Drums) 早左一個Bar停...比佢激死....@#$&*%XXX

8) 浮誇和千千闕歌由我們唱歌高手Kenny sir 演繹, 當然正啦, 我們只練了15分鐘, 效果已經不錯! 如果我們能多些練習, 效果肯定更好, 點解會揀千千闕歌? 因為有次我聽到一個演唱會版本係張國榮唱, 覺得好正,所以就堅持要玩呢首啦...原曲是A key, 張國榮版本係D key, 練習時發現不太配合 Kenny, 所以用C key 玩啦。


9) 童話和有個人當然是為江仔度身訂做的曲目, 亦是今次Bandroom gathering 重點環節, 目的當然是希望俾Tammy 一個驚喜, 童話是我的選擇, 有個人是江仔的選擇, 歌詞梗係冧啦, 江仔亦在前一晚上Bandroon 特別綵排, 有個人我選了兩個Keyboard music effect 俾江仔揀, 最後他選了Music box effect...出黎個效果都唔錯, 如果我係Tammy, 一定甜到入心啦!

10) 講不出再見本來我想搵Au Yeung Sir 唱, 可惜他唔得閒, 如果由這位Alan Tam Fans唱, 我想又會是當晚另一個高潮位呢, 哈哈

11) 其實有些歌曲, 本來亦打算玩奏, 例如彭羚-小玩意, 由一位女仔唱俾Kong and Tammy聽但係我搵唔到合適女聲, 另一首係軟硬-好兄弟, 由我地呢班兄弟唱俾江仔聽, 可惜南哥無瑕上黎, Larry 要返工,名師又要食"重要"飯局, 阿Yeung 又要忙電訊展.....如果可以玩的話, 當晚氣氛一定會高漲 X 10000!

假音人 2006 FINAL LIVE

真的好久沒有這份對indie 音樂喜愛的感覺...好高興假音人星期五晚在中環藝穗會帶俾我們一個非常出色的Live, 當見到全場一齊舞動, 一齊大合唱的時候, 實在令人興奮、感動呀!

從來都喜愛他們那些抵死歌曲..主音陳浩峰做完東宮西宮後, 發覺他更加識用身體語言去取悅觀眾, 一點反感也沒有, 好正! 當然他們的鼓佬, 前Huh!?成員肥仔明...更加是勁到無倫啦...

Encore 完再 Encore , 接著再到 Encore....唱足兩小時, 這場Live, 我覺得係2006 Live中最好啦!