Albert & Annie Wedding (26 Jan 2008)

昨天是我好朋友 Albert 的大喜之日, 很高興參與他的婚禮做兄弟, 一朝早6:15 a.m. 收到他的來電,Albert 似乎真的很緊張呢, 咁早就打電話來, 上午7時乘Michael 的車去珀麗灣, 之前已經申請左permit 入去,但係個看更話架車到達時間比permit 寫既時間早左, 所以唔入得住wor...做野一成不變, 官僚作風, 驚孭鑊, 吹漲!

上到Albert's home, 一身白色禮服, 好型仔, 兄弟一共六人, 有三個是「靈愛四傑」之三,即係(我、Michael、Po), 另外三個是Albert 恒生Bank 的同事 (Eric、Henry、Derick), 有分行經理、總裁、Oxford Phd ar..身份真係顯赫, 所有兄弟西裝筆挺, 配合晒Albert既要求啦, 聽完他的briefing 後, 8:45 出發接新娘啦,到達怡東酒店, 攝影師Ray 已經到左, 掛上襟花, 逐個兄弟同新郎哥講祝賀說話, 影大合照後,上去接新娘啦, 值得一提的是怡東酒店門口carpark 都有另外兩架花車, 看來接新娘不止我們這群人呢...

接新娘的房間是套房, 唯一和平時不同的是房間有太多男性, 姐夫、妹夫、妹既男朋友...BB...感覺很怪,玩既遊戲又很普通呢, 幾個遊戲都係牽連下體, 想像力欠奉, 第一次係酒店做兄弟接新娘,感覺如何? 我想都係傳統番女家接會好feel d啦...有些兄弟也有此感覺呢, 不過, 接新娘過程中, 最精彩始終係Albert 個兩篇順口溜, 加埋他的表情語氣, 實在令人拍案叫絕!

香港大會堂註冊地方也挺大呢, 100人空間也足夠, 有幾個中學同學都賞面出席, Albert 係註冊過程中又不忘他做戲的演技,雖然我見到結婚監證人眉頭也縐一縐, 但係會場的氣氛確實被 Albert 的戲提高了不少, 係我參加過的朋友註冊婚禮中, 最有氣氛的一個!

晚宴係潮庭, 屬於私人性質, Albert 很多親戚也在澳洲, 所以只擺三圍, 男家、女家、兄弟和朋友,潮庭裝修華麗,一入到去個環境真係好好, 好grand, d枱枱櫈櫈同餐具set到如同一間高級酒店的中菜廳,可惜樓底略嫌低d, 不過食物ok wor, 有新意同埋味道幾好, 當然, 當晚最最最精彩既部份係Albert係晚宴中段剖白他認識新娘Annie 的經過, 每講到一段, 又加插一首情歌, 其後再講, 再加插另一首情歌,合共兩首, 雖然不是自彈自唱, 係阿Bon負責伴奏, 但係我想Annie, 以及在場每一位包括侍應都會被他感動啦, 他真係一個Entertainer! 他的笑話雖然不是有深度, 但係就係因為夠淺, 夠大眾化, 配合埋他的語氣, 表情, 很多人都會受落呀。(註: Albert 本來想自彈自唱, 但係當佢係bandroom試彈既時候...就打消左念頭啦...why?...要這麼短時間就掌握彈chord + 記chord + 記歌詞 +彈與唱配合 = 係要好有天份先得架...哈哈...更加印證左我地Democwall每次既表演係用時間同埋誠意練番黎架!)

最後Albert逐一多謝他的父母、岳父岳母、賓客...我可以講Albert d 公關手腕係頂級, 他把口由小學到現在, 都係咁口甜舌滑, 聽完他的說話, 你會好感動, 好安慰, 當然, 如果你識佢耐左, 或者能保持清醒的話, 你或會有另一番感受, 哈哈! 友情何價呢!

Samuel & Adeline Wedding (22 Jan 2008)

星期二是(Samuel & Adeline)共偕連理的結婚大日子, 很高興參與他們的婚禮做兄弟,和上年 (Kong & Tammy) 一樣, 新郎和新娘都是我的大學同學, 今次兄弟團有兩個是女的大學同學,分別是Fun and Suki, 陣容新鮮, 但絲毫不減其氣氛和歡樂!

7:45 a.m. 在沙田火車站集合, 然後一班兄弟去Samuel's home. Samuel 屋企個兩隻貓好肥, 好得意,上到去帶襟花, Samuel 亦準備好一set香檳金色呔俾我地兄弟, 夠整齊嗎...8:45 a.m. 乘花車去女家接新娘啦。

花車是S500 X AMG, 款色都算好新, 自問第一次乘這類名貴S Class靚Benz跑, 仲要係AMG,真的很舒服, 亳不焗促, 又夠定, 無得頂呀! 到達女家, 姊妹已準備好, 她們設計的遊戲都幾好玩, 可能我地班兄弟自問玩得, 所以係個過程中都幾開心呀, 阿揚行"石春"膠可以話不容易, 想不到他是這麼重呢! 不過我地體能甚fit, 冇難度呀, 答問題浸冰個 part, 真的要多謝攝影師啦,佢真係做到野, 哈哈, 浸冰初時感覺冇野, 但係浸耐左上番黎隻腳痺到痴線, 不過唔緊要,因為我地係為左新郎哥Samuel, 我倆友誼化作毅力, 所有遊戲視如等閒啦。同時, 不得不承認,我地班兄弟轉數好快, 鬥志旺盛, 簡直好似戰狼300咁呀!

沙田註冊處地方不大, 不過空間都夠當日所有賓客入內, 註冊過程都係大同小異, 好快就完成, 不過,就係係呢個咁短既過程, 一對新人身份已變成夫婦, 展開人生另一階段啦!

晚宴係皇室堡迎囍,設宴26圍, 8時左右, 差不多所有賓客都到來啦, 司儀是Suki 和 Adeline 的中學同學Choco, 我覺得她們也講得不錯呀, 不過, 唔知係唔係前排d親戚太耐無見, 變左MC 有 MC 講野,親戚有親戚講野, 冇左共鳴, 呢樣野係好重要呀, 幸好, 我見到後半排的賓客都好留心聽她們講話, 亦有俾反應, 都幾好啦。

我負責安排播放 Video 和 mp3, 個經理好sharp 醒呀, 之前同佢講解一次, 佢就明晒同記得幾時播, 自動波, 掂! 不過, 酒樓d speaker 如果好d, 唔拆聲就更好啦, 好喜愛 Wet Wet Wet 個首Love is all around, 好好聽, What a Good Choice! 呢首歌我冇記錯既話, 應該係我地讀中學時期的作品,係曉格蘭特主演 4 Weddings & a funeral 既主題曲, 當時呢首歌係英國細碟磅第一位長達17 or 18 星期呀, 係Wet Wet Wet 既 one hit one wonder, 不過呢首係翻唱作品, 原裝板好oldie, 無咁好聽。

當晚最感動既位肯定係Samuel 既致詞, 坦白說, 我聽後真係淚眼盈眶, 自己也曾經想過他日自己結婚時會講甚麼說話, 想不到Samuel 講那番話和我心想的這麼相似, 我想當晚除左Adeline 和伯母, 我肯定是其中一位最能感受到呢番說話既人, Samuel, 如果我係你, 我也忍不住流淚呀, 問世間情是何物,大家要珍惜眼前人呀!

另一個感動位係Adeline 致詞時竟然遂個兄弟同姊妹點名多謝, 阿揚話聽後好感動, 我也有同感呢,終於明白係奧斯卡, 點解d明星致詞時要逐個朋友名字多謝, 因為當時人聽後好窩心, 我想也想不到Adeline 會多謝我們, 講真, 我地排老幾呀, 但係就係呢番說話, 令我地感受到友情可貴, 同時感受到Adeline 呢份多謝既誠意同真摰! 我亦多謝你和 Samuel 讓我們有幸參與你倆的大日子,一齊分享當日的歡樂和喜悅。(註: 亦要多謝Adeline, 那年我地搞年宵, 借出屋企空間讓我們作存貨之用。)

All photos are from Fun's Canon EOS 40D Digital SLR.

1973年股災

所謂道不同不相為謀...係myradio.com.hk 既財經頻道聽到王冠一教授、黃偉康(Andrew )、沈大師同我有相同諗法...真係令人安慰。不得不佩服王冠一教授先知先覺...當打開報紙個個都話升既時候...他一早就力排眾議話會跌...呢d咪叫真正財經專家!!! 而且他講野夠串!! 呢幾日股市波幅( 升同跌) 完全同佢節目中預測一樣!!!!

Ref. Link:
http://www.myradio.com.hk/

股市跌個2000點, d人哇哇聲, 請問有嘜出奇???? 1973年股災有聽過或經歷過既投資者...就會明白我呢番說話啦!

Ref.: Wikipedia

1973年香港股災是香港股票普及化後第一次股災，亦是香港股市史上最大規模的股災，恆生指數於一年內大跌超過九成，數以萬計的市民因此而破產，甚至自殺。

歷史

多間證券交易所成立
1969年由李福兆先生牽頭的一群華資經紀暗中籌備一間華人的股票交易市場遠東交易所(The Far East Exchange Limited)，並於12月17日開業，由此開始了普羅市民參與證券及股票買賣，當時恆生指數於12月29日創下160.05當年新高，其後股市節節上升，1971年9月20日創下406.32新高位，不足兩年上升1.5倍。

其後兩間以華人為主要對象的交易所先後成立，1971年3月15日由當時的金銀業貿易場理事長胡漢輝等倡議的金銀證券交易所(The Kam Ngan Stock Exchange Limited)開業，1972年1月5日由陳普芬等人創辦的九龍證券交易所(The Kowloon Stock Exchange Limited)成立，1970年1月20日由新界領袖陳日新創辦的亞洲證券交易所在香港註冊成立，並計劃在1973年2月18日正式開業。為了阻止更多的證券交易所成立，政府公佈《1973年證券交易所管制條例》(The Stock Exchange Control Ordinance)，重罰經營未經認可的交易所之人士及抑制證券交易所之增加。至此四會並存的局面形成，並維持至1986年四會合併為止。可見當年證券及股票市場發展之熾熱。

「置地飲牛奶」事件
恆生指數由406.32調整至1972年1月27日的323.95後，繼續扶搖直上，到年尾12月29日上升至843.40，不足一年時間上升1.6倍，其間多種現時的藍籌地產公司上市，值得一提的是華資地產五虎即長江實業、新鴻基地產、恆隆地產、合和實業、大昌地產。當中以長江實業及新鴻基地產發展最為遠大，前者後來多次挑戰英資地位，後者超越置地成為全港最大型地產公司。

1972年10月30日發生香港開埠以來最大規模的收購戰：英資置地與牛奶公司主席周錫年爵士及華資地產商華懋王德輝爭奪牛奶公司控制權，即所謂「置地飲牛奶」事件：置地以兩股面值五元現金，交換牛奶股東手上一股面值七元五角的股份，雙方於報章上作出廣告戰，一時成為市場焦點。

市上又有傳外資利獲家集團利用香港市民對股市的認識不足，作出財技在市場製造炒風，即所謂「過江龍飽食遠揚」事件。而由於當時對於公司上市監管不足，大量空殼公司上市混水摸魚，最典型例子莫過於有「香港黐線」(「黐線」粵語中即是「神經病」的意思) 之稱的香港天線上市。

股市大跌
進入1973年，市場繼續瘋狂，於3月9日高見1774.96，於三個月內再上升1.1倍，政府為冷卻股市，曾出動到消防員以消防條例禁止股民進入華人行買賣股票，即所謂的「消防員到交易所救火」。同時市場出現一些如「魚翅撈飯」、股民辭工全職炒股、「鮑魚煲粥」、「用老鼠斑製魚蛋」、「用大牛（港幣500元鈔票）點煙」等瘋狂現象，而牛奶收購戰進入高潮，置地利用股民對股市知識缺乏，宣佈一送五紅股，當年股民沒有「除息」、「除權」的概念，不知送紅股實乃數字遊戲，爭相搶購，加上當年股票過戶需時，凍結大量置地股份造成市場假象，曾經由12元，炒至歷史新高67元。當置地除權時股價調整至六份之一，再加上市場出現假冒合和實業股票，擔心所持股票成為廢紙引起市場恐慌。4月4日稅務局突然在各大報章刊登「買賣股票之盈利須納利得稅」，人心更加不安。

踏入1974年中東發生石油危機，香港實施燈火管制，和記洋行受到股災波及，由高點44元，下跌至1元多，1975年9月，和記國際召開股東大會，董事局要求股東供股以解除公司的財政危機，但被匯豐銀行所代表的股東所否決，而債權人則正循法律途徑要求清盤。在無可選擇的情況下，董事局被迫接受匯豐銀行的建議，由匯豐銀行注資1.5億港元收購和記國際33.65%控股權，匯豐銀行成為和記國際的大股東，由「公司醫生」的韋理（W. R. A. Wyllie）入主整頓。

1974年12月10日恆生指數下跌至150.11，跌幅達91.54%，只及1969年時的水平，而1774.96的高位則要待1981年7月17日的1810才略為打破，其後再跌回其下，要待1986年四會合併及推出恆生指數期貨及引入外資經紀行才正式站穩其上。

續談股市

19/11/2007 同大家講股市過年前下試16000 (當時恆指大概 27800)
16/01/2008 同大家講股市過年前下試16000 (當時恆指大概 25000)

今日恆指24090...so what?

我唔覺得昨天趺 2000 點係股災, 今日升2300 點係回穩, 我幾認同四叔之子既說話,
不過, 我堅持過年前下試16000, 如果真係股災, 恆指支持位係14000!!!!!!!!

結婚週

下個星期會參與兩個婚禮做兄弟.....真期待呢! 以前做過兩次兄弟, 江仔和Tammy那個真是好玩, 有些人會覺得做兄弟好悶, 但我不是這樣想呀, 做兄弟首要係幫對新人搞好個婚禮, 同埋搞好個氣氛, 一係不做, 一做就要全力以赴, 搞好個show!

Samuel and Adeline (左一, 中間) 都係我大學同學, 很高興出席他們的婚禮, 同時間有班玩得之人做兄弟, 我相信當日氣氛一定會好好!

Albert (左一) 是我相識多年的朋友, 我們已相識了25個年頭啦! 同一所幼稚園, 同一所小學, 同一所中學......, 友誼好比親兄弟, 他星期六的婚禮, 就像我自己結婚一樣, 衷心祝福他和 annie 百年好合啦!

又一水

今年棵楊桃樹好勁...好多楊桃...長擲長有...應該最少有150個到啦...

多位立法會議員出席民間電台復播(10-1-08)

陶 傑 短 評 ︰ 「 如 果 」 定 罪 ？特 府 律 政 司 檢 控 民 間 電 台 ， 裁 判 司 判 決 檢 控 違 反 《 基 本 法 》 保 障 言 論 自 由 條 文 ， 律 政 司 司 長 不 服 ， 施 壓 裁 判 司 「 擱 置 執 行 判 決 」 ， 並 以 「 公 共 安 全 理 由 」 ， 申 請 禁 制 令 全 面 封 殺 。
民 間 電 台 有 沒 有 威 脅 「 公 共 安 全 」 ？ 不 視 乎 其 存 在 與 否 ， 視 乎 其 廣 播 內 容 。 譬 如 ， 如 果 民 間 電 台 呼 籲 市 民 火 燒 英 資 的 太 古 商 場 ， 民 間 電 台 呼 籲 市 民 搶 掠 全 港 日 資 百 貨 公 司 ， 以 示 報 復 「 鴉 片 戰 爭 」 及 日 本 首 相 參 拜 靖 國 神 社 ， 次 日 全 港 即 爆 發 排 外 騷 亂 ， 則 絕 對 危 害 公 共 安 全 。
即 使 民 間 電 台 呼 籲 港 人 罷 工 罷 市 爭 普 選 ， 也 沒 有 危 害 公 共 安 全 ， 因 為 罷 市 集 會 遊 行 ， 是 《 基 本 法 》 保 障 的 人 權 。
特 府 指 「 如 果 人 人 使 用 無 線 廣 播 ， 最 後 干 擾 救 護 車 通 訊 ， 即 可 引 起 傷 亡 」 為 「 威 脅 公 共 安 全 」 的 理 由 ， 則 香 港 任 何 出 售 剪 刀 和 菜 刀 的 商 店 ， 「 如 果 有 人 購 買 刀 剪 ， 在 街 上 胡 亂 揮 劈 ， 亦 可 引 起 傷 亡 」 ， 所 有 賣 菜 刀 剪 刀 的 商 店 ， 應 馬 上 取 締 。 不 以 事 實 為 依 據 ， 以 「 如 果 」 兩 字 入 罪 ， 連 塔 利 班 也 沒 有 這 等 法 律 新 觀 念 ， 可 謂 「 解 放 思 想 」 ， 嶄 新 而 離 奇 。 當 前 特 府 政 務 官 ， 全 屬 前 殖 「 港 英 餘 孽 」 ， 「 如 果 」 他 們 仍 心 懷 英 女 皇 ， 怎 麼 辦 ？ 為 了 杜 絕 此 一 「 如 果 」 ， 保 障 國 家 利 益 安 全 ， 最 好 先 把 全 體 港 英 餘 孽 一 概 炒 魷 。

毓民為普羅大眾說真話！

講得好!

香港人網網聚一小時online版---蕭生和黃毓民

http://www.viddler.com/isomer123/videos/3/

Ref: 香港人網

陸東降恒指目標價

去 年 預 測 股 市 奇 準 的 瑞 銀 投 資 研 究 董 事 總 經 理 陸 東 ， 昨 日 發 表 報 告 ， 大 幅 調 低 其 08 年 指 目 標 水 平 11% ， 其 中 指 今 年 合 理 水 平 由 去 年 11 月 時 的 32000 點 降 至 28500 ， 而 最 樂 觀 目 標 亦 由 42000 點 降 至 37400 點 ， 主 要 因 為 將 控 （ 005 ） 及 中 電 （ 002 ） 今 年 每 股 盈 利 預 測 分 別 下 調 6% 及 5% 。 陸 東 又 稱 ， 這 已 計 及 3 隻 中 資 和 H 股 新 藍 籌 成 員 的 利 潤 貢 獻 ， 以 及 美 息 降 至 3.25 厘 和 10 年 國 債 孳 息 率 跌 至 4 厘 的 因 素 。......蘋果日報

嗱嗱嗱!!股神都要調低...我自己仍然堅持新年前...下試16000!

Richard Hawley - Tonight The Streets Are Ours (Video)

Richard Hawley - Lady’s Bridge
one of the best 10 albums in 2007!

好喜歡呢d風格, 把聲真係正!

Katie Melua - What I Miss About You

迎日...有兩張albums好喜歡, 兩隻都好感性, 好適合夜深人靜一個人聽...

其中一張係Katie Melua new album...

What i miss about you...she talks about her ex-bf...but i'm missing to another one when i was listening to this song..

What i miss about you, dad

順德壁桂園3天豪華團

2007年12月28日 保證出發! 團費: $550

中國5A級旅遊區長隆大馬戲、市橋、順德壁桂園3天豪華團

第一天: 是日8:00 p.m. 在灣仔集合，乘坐跨境快線前往皇崗口岸，抵達後轉乘專車直達順德壁桂園。晚上在bgy欣賞由布斯威利是主演的動作強片「終極警探4.0」。是晚住宿於bgy 。

第二天: 是日8:30 morning call，9:30於bgy集合，乘專車前往市橋梅峰酒家飲茶，此酒家出名茗茶，點心份量十足，而且美味非常，招牌點心包括: 富士雪山包、蝦餃、燒賣.....保證回味無窮。

餐後前往市橋步行街，其後回bgy稍事休息，繼以前往三桂村購買DVD，新片、名片、劇集、唱片一應俱全，保證令旅客滿意。接著前往康寧推拿，享受兩小時按摩，藉此鬆弛神經，紓媛疲勞。晚餐於沙龍酒家，8餸1湯，

飯後乘專車前往長隆所賞森林密碼大型馬戲表演，長隆大馬戲匯粹全球馬戲精華，實景式舞台全球最大。欣賞表演後乘專車前往巧玲享用甜品，

其後回bgy欣賞由威爾史密斯主演的新片「魔間傳奇」，子夜場是王晶重拍1970年同名電影，找來孟瑤演出狄娜角色，重塑新一代「晶女郎」的「七擒七縱七色狼」。

第三天: 是日10:30 morning call，11:00於bgy集合，前往三桂村桂園吃飯，9餸1湯，此酒家出名湯靚，餸美味且大碟，價錢平見稱，保證旅客食得滿意，飯後前往會所打各種球類活動，包括桌球、乒乓球、羽毛球、保齡球......讓旅客一顯身手，盡情發洩。其後回bgy整理行李，於西苑乘坐旅遊巴返回皇崗口岸，團友自費乘坐跨境快線或黃巴返港。

行程至此完畢，祝旅途愉快!

下回 summer bgy tour 景點推介: 中國4A級名山蓮花山、4A級廣東三溫泉度假區、百萬葵園、廣東四大名園順德清暉園、世界級文化古蹟自力村碉樓群、嶺南九寨溝之稱的鳳凰峽風景區...

7 人以上，保證出發!