開會文化

如果大學是社會的縮影, 開會就是見盡人類醜陋一面既縮影!!

坦白說, 我挺喜歡開會, 聽落好變態, 原因好簡單, 如果大家有睇李宗吾個本厚黑學, 開會就係厚黑學電影版!! 「...宣揚臉皮要厚如城牆，心要黑如煤炭，這樣才能成為「英雄豪傑」。...」真係荒謬!! 醜陋!!

今天開大會, 廿九幾人, 場地逼到好似難民營, 但係就粒粒巨星, 百萬組合, 我想當時如果香港發生大地震...塌樓, 保守估計, 呢間房損失總月薪起碼超過兩球既人才!!

Chair係AD, 個樣有點似「不速之約」裡面既姜大衛, 相當穩重, 氣質就十足十似道理哥!! 你冇聽錯, 係真真正正既道理哥!! 我坐在他附近, 上下打量他, 發現他的手起繭, 我從不看輕呢類人, 升到呢個位, 相信必定日理萬機, 每日返工, 一定做兩樣好重要既事情 --- 「玩憤怒鳥，砌鑽石方塊」!!!!!!

有些成員, 似足公公, 係Chair面前, 把聲撚起講野, 陰陽怪氣, 差在沒有好似以前見到皇帝咁 , 大嗌: 「喳! 奴才遵命!」

另外, 有些契弟, 平時係細會做阿head時, 就耀武揚威, 聲大大, 黎到呢d大會, 講野就特別客氣, 特別細聲,  呸! 狗即係狗, 一屁廢話, 佢講嘜? 因為太specific, 我以比喻手法, 說明當時情景...契弟x:「Chairman, (好Q細聲, 差點聽不到他講嘜鳩) 我想指出, 有幾樣野, contractor要留意, (接著, 回頭望向佢d助手), 如果我有野講錯, 請指出, (講左幾句, 仍未到題)...我想講...(仲係好細聲)...contractor 要知道....唔好話我唔提你...就係...(當時, 大家準備紙筆, 全場洗耳恭聽, 聽下有何高見).....阿媽係女人, 阿媽唔係男人呀!!  (此時, 道理哥面有難色, 發現呢件契弟x唔係普通貨色, 係天下奇才, 講野真係有道理, 於是同佢講): 契弟x, 你可唔可以講野大聲d!! ...(契弟x見到道理哥俾膽佢, 終於提高聲浪, 滿懷自信, 再講一次): 主席, 我想講既就係...阿媽係女人, 阿媽唔係男人呀!! ...(我的天呀~~(普通話發音)...月薪超過十萬既契弟x, 真係字字真言!!)

有d仆街, 講野, 牛頭唔搭馬咀, 但求一發, 見慣不怪, 最憎就係有d豬西, 之前, 已撰文講過呢d豬西, 特別鍾意係呢d場合, 將我地既問題放到無限大, 小題大做, 陷家剷, 賣魚蛋, 咁鍾意講, 做維園豬西, 去城市論壇講呀..

群魔亂舞, 妖孽當道, 呢個世界, 就係有呢d仆街, 係自己範疇, 係專業, 係其他範疇, 係碌撚!! 但係就偏要踩過界, 發聲扮大袋, 魯迅說得對, 呢d所謂專家, 無知, 愚昧, 正一井底之蛙!!!!!!