許氏兄弟

最近, 一連收到兩個Band Members 話要離隊既消息...作為Democwall中堅分子的我, 實在要講番兩句說話...

我地最初係1997年一齊學結他, 當時係Bon, Po, Roland, Fatwai 和我, 大家也是因為有共同嗜好, 大家鍾意聽Oasis, 咪去學咯, 我地去元朗廣場個間琴行, 教我地個位係陳x偉, 我覺得佢勁啦, 嘜樂器都識, 那時, 每個星期天, 一早去學, 有時, 遲交學費, 俾琴行屌, 想起也覺好笑, 總括而言, 個陣時, 真係一段美好時光, 還記得聖誕節, 我們係鄉中, 同元朗廣場表演嗎? 還記得我們一齊上西Po 屋企練Wonderwall 同 Talk Tonight 嗎?

幾年後, 有次, 係奧運站睇足總杯, 阿Bon 話想租個Band房, 最後, 我地係葵芳租左啦, 阿Yin, Fat Yeung加入, 還記得我們放工後, 一齊係Band房黏隔音綿嗎? 還記得我們第一次"正式"係Band房表演俾d朋友睇個晚嗎? Amani, 光輝歲月, 馬路天使, 啟蒙老師...首首都玩錯...真係經典....但係, 呢一段又係美好既時光!

之後, 我地每年定期都邀請朋友, 上黎Band房, 睇下聽下, 一齊唱下, 開心下...Kindergarten, 甲級戰犯..亦係呢段時間創作出黎...Band房亦擴建大左...亦認識左Ka Ho, Jenny...

現在, Band房係葵興啦..環境不同, 但係, 我們還不是一齊嗎? 我講咁多"歷史", 只係想話俾你地"許氏兄弟"聽, 我們從來都係玩下心態, 我們不是靠音樂, 搵飯食, 我地既關係, 係朋友, 不是甚麼成員唔成員, 離隊唔離隊...不要太過認真, 每個月幾百元, 一齊搵個落腳點, Jam 下歌, 吹下水, 睇下波, 打下機, 僅此而已...許氏兄弟, 明白嗎?