朱凌凌優噏演唱會

星期日晚走左去睇, 地點係大角咀, 一個Bandroom, 好有Indie Feel!! 坦白講, 我覺得佢地玩得好有heart, 同Oasis 星期二晚既Live比較, 我喜愛朱凌凌呢個多一點...

P.S.: 朱凌凌裡面有個肥仔, 叫白只, 他在演唱會途中, 講左好多gag, 大部份都非常好笑, 亦令成個場(約一百人左右吧)充滿歡樂氣氛, 同時, 令我深深體會到一個Interactive, 令觀眾投入既Bandshow係點樣!! 呢個point, 其實, 我自己一向都好重視, 係Democwall 裡面, 最最最缺乏, 就係呢樣野, 玩得好唔好, 其實不太重要, 只要有心, 就ok, 如果只顧玩一些自己喜愛既曲目, 但係d Friend 唔知你玩嘜, 或未曾聽過, 兼冇feel, 咁玩黎有Q用咩, 倒不如沉醉於自己個音樂空間算吧.....可能, 我有點累了...

《博到單車變摩托@真的散BAND了》-- 觀後感

今日睇左啦, 你問我套舞台劇值幾多分? 我會俾滿分, 100分呀!!

有冇咁勁? 坦白講, 個故事值80分啦, 不過, 佢地既演出非常有誠意, 同埋裡面既笑料勁多, 肯定值俾多廿分呀!!

入場前, Cherry見到海報, 仍然擔心套劇唔好睇, 好彩, 得我狂撐, 睇完後, 她都對朱凌凌改觀啦, 話好好睇, 值80分啦!!

睇完之後, 腦海不停浮現劇中的情節, 不停同Cherry分享, 而且, 不停撥打手機, 叫多d朋友捧場, 因為呢套劇真係值得Support Support 呀!!

真係冇睇錯他們, 朱凌凌真係有潛質, 有實力, 希望他們堅持, 製造多些出色的作品~~~

演出地點：香港藝術中心壽臣劇院

演出日期：11-21/12/2008 7:30pm (12.15 休演)

票價 ：$280 , $220

Ref.: http://hk.myblog.yahoo.com/juicyning08

《博到單車變摩托@真的散BAND了》

上一次上演《博到單車變摩托@真的散BAND了》時已經想去睇, 奈何當時唔得閒, 很高興他們再度重演, support!! 欣賞朱凌凌, 因為他們是一群有heart, 有passion, 有energy既年青人, 絕對值得支持!!

《博到單車變摩托@真的散BAND了》(回修版)

二零零八年一月一日，朱凌凌於商台903爆冷獲得叱吒樂壇新力軍組合銀獎後；隨即於文化中心劇場公演<博到單車變摩托@真的散BAND了>有音樂劇場，意外熱爆，並加開企位。之後，朱凌凌人從未齊人，卻先後參演PIP劇場的<仲夏夜之夢>及三大娛樂機構的<再見理想>，反應空前，卻又意外地被評人搞笑組合，令人啼笑皆非。

有鑒於此，朱凌凌特意在金融海嘯與毒奶爆發期間，用盡一切賒借免問方式，進駐香港藝術中心壽臣劇院回修重演<博到單車變摩托@真的散BAND了> 回修版，讓各界盡享朱凌凌齊人之福之餘，也可以身體力行回應朱凌凌並非搞笑組合。

演出地點：香港藝術中心壽臣劇院
演出日期：11-14/12/2008 (THUR- SUN) 7:30pm, 13-14/12/2008 (SAT-SUN) 2:30pm
票價 ：$280 , $220

Ref.: http://hk.myblog.yahoo.com/juicyning08