擺酒

近期忙著睇下場地擺酒資料, 不要太大, 阿哥, 因為我好低調呀, 10-15圍, 少少地, 夠close!! 當然同靈愛四傑, Michael (2圍!!), Albert (3圍!!), 實不能比擬, 尤其是Michael, 佢真係有性格, 勁!!! , 呢個婚宴, 係真「朋友」, 我先請啦, 因為好似我個friend阿寶名言, 「一係唔搵你, 搵你就係請飲」...無謂啦, 哈哈...

上網搵資料, 心目中都有幾間...

1) 海港城 - 八月居
2) 九龍灣 - 御苑皇宴
3) 九龍灣 - 德藝會
4) 佐敦 - 彩福皇宴
5) 力寶中心 - 力寶軒
6) 時代廣場 - 洞庭樓

上網睇到一個blogger, 佢寫得真搞笑 ....

http://hk.myblog.yahoo.com/jw!bRUviQGeHxxZ50ZYDqPgxf9KjA--/article?mid=52

1. 鴻星海鮮酒家 (九龍灣)
睇左個web,好似好得,成個埸無柱,四正~但係去到好娘下,個門口唔得,d 花又殘曬,白色撞紅玫瑰唔係我杯茶~我擺廿圍,講明要加圍數,都仲話要間比人食飯 =.= ,仲要係拎d圍版間個隻~想死~睇場個晚仲有人唱歌擺生日…成個感覺娘到無人有…

2. 東海(尖東)
無相睇,睇到個名已經唔想去,都唔係做婚宴既~所以無去行到~

5. 美心皇宮(荃灣)
前身係戲院,所以佢既樓底,你可以唔洗擔心,一定高到爆, 新裝修,好大下,幾靚仔,但係同時個裝飾清到爆,得個框,佢個隻高,唔係你係咁意就可以痴到野個隻~你想擺,唔係問題~要預返閒閒地比返萬拎蚊做佈置la~而且酒席唔平~HK$5,888起,未計加一及任飲~

19. 聯邦大酒樓 (荃灣店)
聯邦系列係我心目中,同倫敦大酒樓個d同樣級數, 一個字,娘,係都娘爆個d 舊式酒樓款~飲茶我會去~不過擺酒就….唔洗la~唔該~~

20. 囍慶酒樓
嘩!係科學園入面ar!有無人會入黎架???又唔係勁平,做咩要入咁遠擺ar??

21. 好彩海鮮酒家 (尖東店)
聽個名你都唔想擺la~下ma??

26. 煌府酒家 (旺角道店)
傳說中有飛天馬車個一間….成個場,感覺少少舊,加上用太多黃燈,感覺好娘,同埋佢架馬車….真係…仲有我當時答佢架lift既裝飾…好多花同綠葉下垂…..真係令我好有想死既感覺

28. 百樂門宴會廳 (九龍灣店Mega Box)
睇左,唔鐘意個地毯,個隻紫,我真係接受唔到呢…..可能好多人都好buy佢呢隻紫色la….但係我真係覺得好肉酸呢….佢地d 色撞得太勁la~好over~當晚有人擺酒,但係一d 都唔覺得grand~好似d 社區會堂周年晚會feel 咁….唔得囉…

29. 百樂門宴會廳 (尖沙咀南洋中心店)
明知佢地既dsign係咁,但係我都想睇下,會唔會分店有咩唔同,但係….呢個場好大,好四正,無柱,無咩阻礙物~呢個point幾好,但係…個門口好唔得,個d絲花…仲話要比架golf 車進場…=.=…當時真係有人跳緊茶舞….另外又間左一邊做婚宴, 有個波波柱係門口迎賓…個感覺完全係返左大陸個隻….

31. 天一酒家
凌霄閣喎….唔洗上去睇la下ma? 你係我親戚,會唔會坐車上黎ar? 我諗好少會囉….

35. 皇上皇集團-帝廷酒家 & 帝廷皇宮（尖沙咀店）
唔…睇過佢地既裝修,太黃,我又黑,影相一定唔好睇,同埋好唔鐘意佢地d 白光燈箱舞台,佢地既color太金碧輝煌…唔岩我,而且胖虎話唔鐘意佢地d油畫…好多人都唔著衫喎…à呢個都係理由,好野仔!

37. 麒麟閣-銅鑼灣利舞台
人地話d野好好食,所以又去睇睇~~呢間野超經典,個台勁細,樓底又矮,個backdrop 好娘,同埋個台得一級咁大把~成個場都好舊下~唯一好處,係個經理好好禮貌,落力地sales 個場~強調backdrop可以轉色,就係自已拉個簾就得,點知個簾cake 住左,佢太用力~成個簾甩左出黎,忍笑忍到我內傷.


P.S. 婚宴.....真係一個好Q好賺既生意!!!!!!!!!!!