市區重建樓價三級跳

市區重建樓價三級跳
呎價動輒近萬　趕絕原居民

市區重建策略檢討督導委員會委員何喜華接受訪問時指出，市建局的目標重建區內，大部份是 40至 50年樓齡的舊樓，住了不少基層市民和窮人，「好似深水埗、觀塘咁，好多板間房同籠屋，保守估計全港至少有五萬人住喺呢啲環境咁差地方。」市區重建原本的目的是改善市民居住環境，但他指，市建局與地產商合作發展的重建項目，通常都包裝成豪宅出售，即使不是低下層人士，一般業主收取市建局的賠償後，也不可能買回單位居住。

本報翻查資料，市建局近年與地產商合作發展的重建項目，幾乎全部都包裝成豪宅出售。去年 10月金融海嘯發生時就推出的荃灣御凱，當時平均呎價也要 6,251元；毗鄰灣仔港鐵站的尚翹峰，今年 7月出售最後一個面積 637呎單位，售價逾 590萬，呎價高達 9,300元；俗稱喜帖街的利東街重建項目雖未建樓，但業界估計落成後住宅每呎至少賣 9,000元。

標籤成「有錢人嘅社區」
中原分區營業經理張永泉表示，灣仔尚翹峰、嘉薈軒等未重建前，同區 40年樓齡舊樓每呎售價不到 3,000元，但隨着重建地盤興建的都是呎價動輒 8,000至 9,000元的豪宅，令豪宅旁未拆卸的舊樓身價勁升，「家啲舊樓通常都要 5,000蚊一呎。」

舊樓變豪宅的同時，重建區通常會引入高消費生活模式。何喜華指，以灣仔和昌大押為例（重建地盤建成嘉薈軒，和昌大押則復修），復修後即變成高檔食肆，平民百姓根本無法負擔一餐數百元的消費，「就連嗰幾條街嘅茶餐廳都貴過人。」他說，過往不少重建區被標籤成「有錢人先可用嘅社區」，低下層無法分享重建成果，是他們反對重建原因之一。何喜華希望市建局重建時，要顧及受重建影響居民感受，及盡量安排他們可原區安置。

今年 5月開始，《市區重建策略》公眾諮詢曾進行多次巡迴展覽、公眾論壇及專題討論，但參與討論及發表意見的公眾人士不多。何喜華指，諮詢期今年底屆滿，擔心公眾現時少參與討論，日後推行新重建政策時反對聲音會大增，呼籲市民多發表對舊居重建意見。

Ref. Link: http://hk.apple.nextmedia.com/

後記: 今日去左聽市區重建策略, 講真, 一大班人, 廢話連篇, 考慮嘜考慮物, 阿哥, 香港回歸之後, 樣樣野左諗又諗, 咪嘜都做唔到咯, 你地睇下偉大既祖國, 建設棚棚聲, 第三個廣州火車站, 都就快完工啦, 香港呢? 郵輪碼頭? 港深廣高速鐡路? 而家西九又話再諮詢...諮條毛咩!! 再係咁, 十九幾年都冇樣野做好啦...

還有, 今日講座講甚麼大市場, 小政府....我屁!!!!!!!!!! 我真係想同個班「專業」人士講, 而家香港係大壟斷市場, 小家政府呀!!!!!!!!! 你地夠guest 改變呢個現況, 就真係做到野啦!