4/8立會論壇長毛怒插陳克勤,劉江華,田少,龐愛蘭

呢個video 雖然係上個月, 選舉過後, 睇番都仍然好正!

點解富貴黨仆街? 你剩睇呢段片都明啦, 偏幫有錢人, 仆硬街啦, 你估香港人, 個個好似你咁有錢咩!

今日返工, 聽到有幾個同事講...「都唔知點解長毛可以當選?」

他們應該是中年人, 很奇怪, 長毛係他們眼中, 總是抬棺材, 搞破壞, 不過, 今次長毛高票當選, 真係實至名歸, 個d批評長毛既人, 到底有冇聽個長毛做節目? 我就有係myradio 聽左佢差不多兩年既電台節目, 長毛講野真係有point, 唔係亂吹, 人地真係學識之士, 阿哥, 唔認同就去myradio 聽下啦, 成日以為香港只有三個電台, 真係OUT!

前幾天, 係雜誌睇到中央政策組全職顧問劉細良的一個訪問, 有幾句, 我好認同, 他說現在的大學生比當年的聰明, 互聯網發達, 睇野俾以前個代多, 但係, 以前個代因為睇野不多, 用較慢的速度去認識, 因而多一份深度...

但係回想起來, 好似我地睇野(瞭解長毛), 俾你地長輩反而多一份深度喎!