默哀三分鐘

一個天災, 帶來的是一次歷史性的全國默哀, 今天返工當然亦不例外, 講福利時, 你不屬於他們, 其他事情, 大家就要企埋一齊, 是同一棵人, 怪哉? 不過, 為四川的災難者, 我自己做番自己, 已經足夠, 2:28 分, 大家在conference room, 房間開著收音機, 三分鐘, 低下頭, 合上眼, 聽到的是低沉的嗚號聲, 實在令人心情沉重...

之前有人罵中國政府點解唔下半旗, 說這些話的人, 今天是不是應該講聲對不起? 俾著係你, 發生災難, 第一件事就應該好似溫總咁去指揮救人, 唔通浪費埋d時間去處理下半旗...這些儀式問題? 罵人者一句講晒, 搵野你鬧!

有人話溫總, 胡主席做show, 我想問係又點? 這是切切實實的災難呀!! 睇戲你都會感動, 流淚, 點解真人真事既時候, 你又話做show? 況且當中所有災難者都是真實, 阿爺係現場巡視, 確實可以提高士氣, 同埋表達出一種無比的關懷之情, 罵人者又係一句講晒, 搵野你鬧!

幾年前, 曾經希望每晚睡覺, 第二天睡醒可以見番至親, 可以話俾我聽發生的事只是一場夢, 又曾經希望如果可以的話, 我甚麼都不要也沒所謂, 只要走左的人能夠回來...當然一一都不能實現, 睇番今天四川災民, 有些人不但失去親人, 而且屋企都冇埋, 一無所有, 活在香港的我們, 大家真係要珍惜眼前擁有的一切.