U2 - Miss Sarajevo

戰爭永遠令人帶不到和平, 中學時期一首自己好鍾意既歌, 隨著Pavarotti的離去, 係CD架到再搵番呢首歌, 依舊令人感動!!

部屋初回大公開

發覺自己最近對唱片發燒熱一點也沒有減退...以前小學時期鍾意聽廣東流行曲, 中學時期鍾意聽英倫音樂, 大學時期鍾意聽另類音樂, 現在呢? 對發燒唱片情有獨鍾, 唱片發行商好似...風行, 雨林, 妙音...通通都愛不釋手, 歌手好似...童麗, 陳潔麗...每出新碟一定捧場...最近更對Jazz 產生興趣...Venus Record 出品既 Cd...真係正到痺! 音樂...真是永遠也聽不完...

(酒桶仔)
(電視機櫃) (CD 櫃)

(Marantz 音響)

旺角高價收購

因為想買Canon 860 IS (28mm 鏡頭, 9點 face detection, 防手震) 用黎去旅行影d靚相, ...昨日終於賣了自己部Canon IXUS 65, 之前走去問瘋澤, 個sales 話回收價 $700, 已經想賣, 但諗下旺角西洋菜街有好多收買攤檔, 於是昨日夜晚去到...先問第一個...佢睇左兩野, 接著打個電話:「喂, 有部Canon 65, 6百萬像素, 少少花, 幾錢呀?」收線, 然後同我講:「$800」...我已經好想賣啦...但係都係問多檔先, 去到第二檔, 問佢幾錢, 佢反問我想幾錢, 我話起碼$800 (其實自己蠢左, 應該話高d價錢), 佢話唔得, 我想走...佢突然叫我去對面個檔再問...於是我又去到佢所指個檔, 有個大陸哩, 好似好興奮咁, 係咁試我部機, 問我想賣幾錢, 我又話起碼$800, 接著佢打個電話(語調有d似倪匡):「喂, 有..有部Canon 65, 6百萬像素, 你過黎睇下?」其間問我有冇盒, 我話你要既話第二日先俾到你...不久, 另一個大陸哩黎到, 試左兩野, 我話如果你俾$850, 我就賣俾你...佢考慮左一陣, 成交!

後記: 我覺得如果真係想賣高d價, 可以問多幾檔 (我只問了兩檔), 睇清楚佢地個水位先, 同埋可以連盒, 配件, 個張弱雞32mb ram card 所有野俾晒佢, 我想價錢一定可以賣得高d (我只係齋機連電池賣俾佢).
今日去左百老匯落左訂, Canon 860IS 真係勁, 第一批貨...幾日內全港所有商店已經掃清...而家要等第二批貨...點解去百記買? 因為鍾意佢送Canon 機袋 (瘋澤唔係)

別睇小"三行"這行業

經過三個月時間...我間舊居總算裝修完成...遲些會post一些相片上來..當然, 音樂鑑聽會也少不了...識音樂的人..我一定會邀請你們來我家聽聽音樂...

大家真的不要睇小三行這行業, 幾年前老懵董八萬五累到這行業暗淡, 近幾年經濟愎蘇, 三行接生意接到手軟, 負責我家的三行師傅"強哥"說很多時候想搵人幫手都困難, 在這三個月, 不斷和他討論裝修事宜, 很多時傾到夜晚十二點, 真係累到痴線, 不過, 亦從他的對話中學到好多裝修知識...呢d真係長年累月既經驗...

門, 鎖, 窗, 拗, 磚, 燈光, 地台, 電線, 高度....原來所有野都大有學問!!

對呢份辛苦既行業, 從而多加尊重!

P.S. 支持紮鐡佬! 無良狗僱主, 剝削一班為佢地賣苦力的僱員, 自己係寫字樓high tea 賺大錢, 曾x權話甚麼二十年黎經濟最好.......簡直笑話!!

Tokyo Cafe偏愛東京味

上個月已買了這張唱片..有些歌曲很正, 很適合悠閒時聽...

「來自東京悠閒的午後，樂活音樂的新浪潮極簡樸實與舒適有機感，這就是Café Music名作家．新井一二三,鍾文音知情推薦

晴天,陰天，下雨天，誰也有時需要離開現實去一下遙遠的城市，在露天咖啡廳坐下來，懶懶地喝杯espresso，也暫時忘記減肥，把大量白糖放進去，盡情享受人生之苦與甜。或者自己兜風去，把CD音量調到最大聲？總之，嬌縱自己是必須的。推薦《Tokyo Café》。名作家．新井一二三

東京大城，物質光燦，流動其中常感急迫，匆匆。只有被這樣的音樂包圍---帶著野貓似的輕快節奏，高度明亮色彩的旋律，有些喧鬧的快樂。我的心就忽然將城市的天際線變低了，遂看見了雲和光。名作家．鍾文音」

香港人對打風的心態

近日係地下天文台閱到一篇文章, 很有同感...全文是這樣的...

http://weatherblogger.mysinablog.com/trackback.php?id=717332

2007香港高級視聽展

香港AV展8月10-12日係會展舉行...正呀...可以去見識下甚麼叫靚聲靚畫啦!

「今年《2007香港高級視聽展》展覽規模進一步擴大，展覽空間共分三層，包括400系列會議室、600系列會議室，以及展覽廳5B，今屆《2007香港高級視聽展》參展商多逾120間，展出產品總值超逾一億港元。

與往年一樣，今年的視聽展內展出的大部份器材，可以提供現場試聽，讓各大市民、以及「音響發燒友」，親耳、親眼、親身的感受仿如身處現場的音樂演奏，以及媲美大劇院的神奇效果。」...stereosound.hk

安全抵達!

Pioneer Pure Malt Speaker S-A4SPT-VP (酒桶仔) 到達了!!

..想不到這麼快...7月14日才在日本, 7月16日已送到家中...

拆開來看, 果然好靚, 而且幾重, 期待它的聲音!

P.S. 為甚麼有兩對? 因為兩對運費相對平d, 而且買兩對有折, 其中一對我會係網上放出去, 賣$6300, 睇下有冇人要.

海外發送

之前談及購置Front Speaker 問題...最後決定買Pioneer 酒桶仔, 其他牌子不是不好, 只是...ProAc R8S (成萬蚊, 仲要係大陸做), Dynaudio 110 (難推, 除非你個amp夠力啦), PMC DB1+ (ok, but not very attractive), NHT Classic Two (我覺得唔掂)

都係酒桶仔抵玩, 而且係TAD 系!!

甚麼是TAD?

答案: http://www.review33.com/review/review.php?reference=tad_tsm-300

透過Japan Net Shopping 買對酒桶仔, 因為搜遍全香港也找不到, 交易成功, 現在坐船過黎 by EMS, 期待中!

行山記

自己很少行山, 在7月8 日和大學同學、Cherry & Andrea 去左西貢東行山...途經西灣, 鹹田, 大灣, 東灣, 赤徑...真係大開眼界, 想不到香港也有這麼美麗的沙灘和風景!

雖然當日天氣熱到爆燈, 但係一班人一齊行山, 有講有笑, 確是令人賞心樂事!

不過我認為下次行山如果能夠符合下列條件, (對我來說)會更好..

1) 天氣一定要涼爽

2) 6小時行程有點兒吃不消, 而且Paul哥太fit啦, 行得超快!!

3) 目的地點可以只有一、兩個, 為左去晒而趕快前進...苦了自己, 同時亦失去行山樂趣

閃靈十年經典

很久沒有聽過這種令人振奮的音樂!!
坦白說, 現在那些外國音樂很多都不外如是...商台日日吹噓mika...令人作嘔...

前日經過信和地庫, 幸運地被我發現台灣閃靈樂團原來上年出左隻十年回顧...
大家現在聽到這首音樂就是出自他們!!...急激的節奏, 猛烈凶悍的結他, 高潮迭起的二胡, 華麗浩瀚的絃樂, 氣勢磅礡的鼓...一氣呵成的作品, 實在太正啦!!

續談尋找音色之路

上次講那對PureMalt Speaker...網上還未有回覆...現在仍然不知是否可以買到...尋找香港公司...只有一間"可能"有...位於中環...於是星期六走去睇睇...點知個Sales..話冇貨, 連對陳列品都賣埋, 問佢幾時有, 佢話都唔清楚, 可能一兩個星期, 或者一兩個月!!..又話即使訂都要排隊...(有冇咁誇呀?)...而且仲要賣$6800! ...

接著走去尖沙咀海洋中心..諗住試聽一對又係好hit既Speaker...ProAc R8S...7點幾去到一間叫狄龍既影音公司...問佢對R8S 幾錢, 佢話$11800! 跟住叫佢播黎聽下, 個sales 話冇插線, ok..fine..咁叫去播對次一級型號(R8...$10800!) 黎聽下, 佢話已經熄左機, 就快收工, 話開機要煲wor, 下次make booking 黎聽...diu! 痴撚線, 你開得門就代表未收工啦, 諸多藉口, 煲煲煲...煲你老未咩, 係好聲就未煲都好聲, 唔通我買左番屋企, 日後放工返屋企聽歌, 要早一個鐘打番屋企叫阿媽開機呀?..請埋晒d on鳩又懶既sales, 遲早執笠..講番呢對R8S, 駛唔駛咁貴呀...無錯, ProAc係英國牌子, 但係ProAc 係大陸做speaker...$11800買大陸做既Speaker...我覺得唔值啦...價錢係英國, 貨品係大陸...shit!

不過, 令我高興的是終於買左新amp, 本來諗住買Marantz SR6001, 開價$6900, 點知my dream amp SR7001 減價...由原價$8950..減到$7850, 跟住sales 俾95折, $7450...最後Marantz 廠再減$500, 折實$7011!! 自己心目中既budget 可以買到dream amp...太開心啦!

龍鼓灘

黃昏時候...到屯門龍鼓灘走走...這裡有得bbq...環境雖然不是太靚...但挺舒服的

Band房移動

星期六晚終於搬Band房了...之前考慮Book車問題...已經解決!

因為我們鼓手阿Yin用左佢公司既大貨車...型爆!!

個半鐘, 走兩轉, 極速搬晒!

真正海鮮!!

端午節...去左赤柱睇龍舟競賽...好多人, 又熱又晒, 同埋勁多外國人...講真...係屋企睇仲正...

夜晚...為左介紹俾Swiss Girl...香港Sea Food係 Asia World City Top 1...去左鯉魚門食海鮮...個度真係勁多酒樓同海鮮檔...d人通常都係自己去海鮮檔買海鮮...然後去酒樓加工, 我地幫襯左一間叫 "快樂海鮮酒家"...去海鮮檔買左龍蝦, 帶子, 蟹, 魚, 喇尿蝦, 蜆...六樣野, 老闆話送中蝦同埋湯...
再加碟菜, 八餸一湯

味道可以話係超正, 份量亦都好足, 帶子, 喇尿蝦 size 係勁大, 街市甚少見過咁大...回味無窮!!

埋單每人三百幾, 抵唔抵? 我覺得食海鮮呢個價錢都合理, 而且冇呃人, 明碼實價, 所以絕對值得一試!

Democwall 告別10樓C Live!

6月18日...瘋狂的一晚...由夜晚10點開始...唱到12點...多謝朋友蒞臨我們band房準備搬前之告別10樓C演出, 亦多謝朋友友情客串...

熱切期待我們的10th Anniversary of Democwall Bandshow!

It's coming!

Pioneer Pure Malt Speaker

近日真係忙到痴線...屋企裝修, 諗傢俬設計, 上大陸睇磚, Band房搬屋, 又要攪甚麼告別bandshow, 得閒仲要介紹香港俾個Swiss friend...每日睡得五粒鐘....溫家寶總理, 我明白你的心情啦, 辛苦你啦.



不過, 最令我興奮的是將會買一套新hi-fi for 我的新居, 呢兩個月去過唔少hi-fi 舖聽過不同speaker...價錢由$3000-$15000...我想呢一對Pioneer Pure Malt Speaker 會是我的心水啦...



如果ipop係mp3潮物, Pioneer Pure Malt Speaker (俗稱酒桶仔) 絕對係hi-fi友潮物, 網上贊美它的聲音實在太多,話它足以媲美$30000 range speaker, 話d聲好到難以令人相信是由這對喇叭仔做出來, 有人話帶朋友回家試聽, 十個有五個聽完後都買左一對, 更有人話如果閉上雙眼, 聽小提琴cd同現場拉既聲音冇分別...哈哈, 真係咁正? 我買左...試下就知, 當然, 如果對音樂有興趣既朋友, 遲d一齊黎我家聽下啦...



P.S. 48000 Yen 一台 (即係一隻, 日本仔最興用一隻價錢計), 即係96000 Yen 一對, 值唔值? 我都想知...

萬世歌王

睇之前都懷疑過係唔係真係咁好睇? 係唔係真係咁大受好評? 入場睇完之後, 感覺是呢場show真係無懈可擊!!

詹瑞文真係好利害, 一舉手一投足, 每一個表情, 都係充滿舞台演藝細胞, 一場show, 就只得他一個人, 感染力已經爆滿, 演足三個多小時!! .....完全沒有反感, 有唔少情節更另人拍案叫絕, 亦另人有反思空間, 相比其他我睇過的舞台劇...(東宮西宮, 歌神英雄傳...) 萬世歌王真係超晒班!!...其中有一節是詹瑞文一人分析多角, 快速的角色轉換, 真係令人睇到目瞪口呆啊!!

值得一提是當中舞台設計好靚, 音響效果更是一流, 一位這麼出色的演員, 有這麼好的環境配合...演出當然更加完美啦!!

劇場組合: http://www.theatreensemble.com/02news/performance.html

我會搞好呢個缸!

我會搞好呢個缸!

I will get my pond done!

經個花園阿姨表述, 加上魚池水 (PH, NO2) 測試, 再加埋一d養魚書籍說明後, 我認為上次死魚事件, 原因係白點病! 成因有兩個, 1) d新魚本身有病, 傳染俾舊魚 2) d新魚唔適應氣候變化

所以今次買魚前, 先去旺角金魚街買d野, 有氣泵, 磅, 消炎濟, 白點病藥水, 藥浴, 準備好後, action!

1) 將買番黎d新魚原袋放落魚池, 適應水溫, 約30分鐘

2) 準備膠筒兩個, 注入魚池水, 泵氣, 每個放0.3g藥浴, 2ml消炎濟, 100g海定鹽

3) 魚池放30ml白點病藥水

4) 將新魚放入膠筒隔離, 約20小時, 期間不要餵飼

5) 第二日就可以將新魚放入魚池啦

希望今次成功吧!