續談股市

我今年不會再預測恆生指數, 反正已趺穿16000, 撐我Blog既朋友, 一早知道啦, 係中就係中, 就好似賽馬咁, 場賽事都跑完, 已派彩, 錢已收, 其實, 之前我係呢到講過不下三次股市會到16000點啦, 係d傻西唔信!!

前幾個星期, 打電話俾d老表, 同佢地講, 「全面撤退」, 係最佳出路, 因為, 你話股票市場會再有幾多衝擊, 實在唔知道, 只知道盡頭看不到, 我認為相比97年金融風暴、SARS, 今次影響仲勁!! 樓市會趺幾多? 大家聽住啦, 由今日開始計, 趺32%-33% 啦!! 簡單d講, 你可以當係三份一, 150萬 --> 100萬, 300萬 --> 200萬, 幾時會見到呢個情況? 明年下半年或2010年!!

最後, 想講下股票, 我係呢個blog未講過股票, 不過, 有一隻股票, 雖然全面撤退, 也要破例入少少, 因為實在太過超賣!!!!!!!! 我實在有點驚訝, 羊群心理, 竟然活生生出現, 阿哥, 大家可唔可以理性少少? 人地甚麼背景, 以往業績如何? 你地知唔知呀? 一個"I Kill You Later", 無錯, 係有損手, 仲係唔少, 但係, 你認為佢會頂唔住嗎?

講左咁多, 到底係邊隻股票, Ben's Choice 破例係到推介?

中信泰富有限公司 (0267.HK) !!

於 2008年10月22日：4.910 HKD