卸膊文化

人不如狗, 卸膊既人多的是...

話說我有個project, 負責做掃瞄, 外判俾一間叫「癲佬」既公司做, 佢地既態度, 我愈諗愈不對勁...

何以此說? 第一, 佢地一開始就斬釘截鐵話要俾晒控制點同埋位高佢地, 如果冇呢d資料, 佢地之後就要花好多時間做後處理... 恕我見識淺薄, 係現場做野, 有時冇就冇, 以前d儀器都係咁做, 點解新野反而唔得, 或是你不去尋找其他方法? 呢個算數, 反正最後我地兩條友, 已經做左俾佢, 冇錯, 係兩條友走線!! 我做完已經變左半個奧巴馬...

第二, 佢地多番強調話掃瞄唔可以100%做到晒, 睇完sample後, 佢地話可能更多地方掃瞄唔到, 我真係想即場爆粗, 當然...最後都係忍屎忍尿咁忍左去, 我心諗, 你做唔到, 你咪自己諗辦法, 關我差事, 當初如果你做到八九成, 叫我地執手尾, 冇問題! 而家你話呢到做唔到, 個到做唔到, 呢d圖係咪要出等等...好似李生叫你起樓, 你起到一半, 窗框, 屎塔全部未裝, 李生會唔會收貨?? 你做唔到, 你咪同你老細反映咯, 你地唔係免費, 我地係俾錢你做, 你咁同我講, 係咪代表你會收平d, 簡直痴9線!

第三, 呢個最搞笑, 你話部儀器重, 每日搬運困難, 我地提議你可以放係我地同事屋企 (離site 5分鐘車程), 你竟然問..如果擺係個度, 咁有冇幫部機買保險!? 天呀~~~~ 我幫你陷家買埋人壽保險, 好唔好? 我俾個額外選擇你, 本來諗住方便你, 已經唔嫌你麻Q煩, 唔收你錢, 你咁唔安心, 唔該你自己諗辦法...

我不知道佢地係真傻定扮野, 總之, 佢地既表面應度, 四個字形容晒, 「好鳩卸膊」!!