租屋

熟悉我既朋友, 都知道我大情大性, 同人講野唔鍾意轉彎抹角, 你係狗就係狗!

對於地產經紀, 印象總是麻麻, 十個有九個都係大話王.....

近日, 搵梗屋企附近單位, 睇下有冇放租, 呢個星期, 已經睇左幾間, 事實上放盤係有, 問題係出甚麼價, 個班濕鳩經紀同我講呢到有幾好, 望嘜景, 商場有咩擴展...痴線...我同佢講:「我係到住左廿年, 甚麼單位, 甚麼租金, 我清楚過你!!」

搞笑野, 有幾宗...

有一間, 2房, 一入去, 道大門係爛, 入去睇睇, 以為係省港旗兵個竇, 殘到不堪, 甚有恐怖熱線講個d鬼屋feel, 問咩價 (事實上完全冇興趣, 只是想知佢出咩價) ..個濕鳩經紀話出番去先講(當時業主係到), 點知原來係$6000!!!!! (我地屋苑舊年$4000-$4500左右)...大佬, 你痴左邊條筋呀!?!?$6000!? 你俾我呀!?!?

另一間, 向南, 有基本裝修, 開價$5800, 我話$5000啦!! 個經紀話太低, 我話:「有幾低呀, 租金有上有落, 我睇左呢到廿年租金, 係值咁多就係咁多, 你唔好同我講有幾好, 明年, 美國退市, 全球加息, 樓市一定PK, 你唔租, 出年就肯定唔係呢個價, 現在按揭接近零息, 試問呢幾十年有幾時好似而家咁低息呀, 戰後出世個一代都未經歷過呀, 98年金融風暴, 03年SARS, 08年金融海嘯, 樓價咪一樣PK, 你唔好同我講全球唔會咁快退市, 你做呢行, 梗係樂觀, 我係大淡友, 我講事實, 出年加息, 已經肯定, 我同你講, 曾x權會下台添呀!!」

另一間, 2房打通, 望河景, 豪裝, 開價$6100, 我話最多出到$5000, 佢話$5700, Cherry 話我地最多$5200-$5300, 最後同業主講諗諗, 事實上, $5300真係好盡, 係平台, 同個經紀講, 叫佢遊說下個業主, 我地出到咁多, 再高你就租俾另一個, 個經紀話最近有單成交都$5800啦, 我話:「呢d係個別例子, 我地d朋友, 租樓都可以壓價$1000!! 係真實個案, 仲要係幾個朋友, 幾個案例 (事實上係一個) , 唔係道聽塗說, 另外, 我地有d朋友, 係九龍灣都係$5500, 係九龍灣呀, 阿哥, 唔係屯門呀!!」

夜晚, 接到電話, 就係呢間地產舖..個濕鳩主管 (之前已經見過呢個PK, 印象麻麻, 俾佢放過一次飛機, 成條俾人庵左既狗咁春樣) , 對話如下...「阿樊生, 蘇生呀, 今日聽到個同事話你地對個單位有興趣wor, o拿, 你放心, 我同你傾, 睇下佢可唔可以$5500, 你知啦, 睇arm單位, 真係唔係咁易, 你交俾我... 佢開價$6100...

Ben: 我出到頂盡$5300, 佢個時都$5700啦, 個原價係死, 實價係真, 你原價可以係$10000架, 有冇人租先, 我同你講, 十個租客九個"勒塌", 我唔養寵物, 兩個人住, 整潔, 有潔癖 (呢個係吹水), 你遇到咁既租客真係可遇不可求!!

濕鳩主管: 阿樊生 (成把狗聲~), 我明我明, 不過, 你都知而家出面既租金, $5500 已經好好架啦, 你都識講啦, 可遇不可求 (抄我名句, 正一仆街)...佢有個客, 又睇中, 不過租兩個月, 所以我特登打黎問你先 (有個客, 又睇中!?...呢句百分之一百鳩up!!!!)

Ben: 阿蘇生, 我好清楚呢到既租金, 我住左廿年, 租金有上有落, 呢d兩房頂盡$5300, 出年加息, 樓市PK, 你肯定冇呢個價....

濕鳩主管: 阿樊生, 你諗下, 就算出年美國如果真係加息, 都唔會有太大差異...

Ben: 你講呀!? 市場係聽消息, 話塌就塌, 佢都係98年用左140萬買呢個單位, 我都明呀, 蘇生, 而家好多野上網都睇到, 幾時成交, 甚麼租金走勢圖, 按幾個掣就睇到, 你唔好同我講值唔值啦, 我睇左廿年租金, 有上有落, 有高有低, 幾時升幾時趺...(其間, 個濕鳩主管想插嘴, 我就好似毓民係龍門陣咁, 係咁講, 提高聲浪, 冇抖氣, 連珠炮發, 機關槍咁一輪嘴狂射個濕鳩主管...)

濕鳩主管: (開始唔多like..) 阿樊生, 唔怪之得你廿年都租唔到屋啦!

Ben: (唔講由自可, 一講把撚火) 我而家租唔租到, 同我廿年前, 有咩關係? 唔通你蘇生一出世個時就食飯, 唔係飲奶, huh!? 我同你講, 我唔急, 冇咪遲d咯, 我而家又唔係冇屋住...

濕鳩主管: (地下拿番喳沙) 我都唔急, 你咪睇下咯, 睇下其他單位放幾錢...

總結: 我唔係順民, 我唔受你個套, 講咁多濕鳩謊言, 正一仆街, 咁x多人要, 你咪俾其他人咯, 我同你有親呀, 特登打俾我, 仆街技倆, 正一屎fuck鬼, 仲要講「 唔怪之得你廿年都租唔到屋啦!」, 你係客人, 定係主人!? 主客不分, 冇大冇細, 我係主人你係狗喳!! 呢到係屯門, 唔係凱旋門, 山雞扮鳳凰, 烏鴉婆扮上菜, 你食屎啦!!!!!!!!!!!!!!!!!!!!!!!!!!!