同一條問題，不一樣的答案

今日去勞工處In AOH, 預左多人In, 點知真係好Q多人, 用兩間房去In, 有人話呢d工多數都冇機會, 去黎做嘜, 我覺得話又不是這樣說, In又唔駛錢, 又可以攞下經驗, 況且, 我既師兄Sydney哥, 大家睇到啦! Translate 都俾佢In 到呀!!!!

不過, 自問表現就真係普普通通, 雲浮太空, 唯獨...

預左佢地會問一條問題, 點知真係問:「阿樊生, 你讀既野, 好似同呢科冇關, 點解黎In, 你唔覺得"sign"左咩?」

似曾相識!! 多年前, In 海關, 個阿Sir問同一條問題, 個時我既答案...

「阿Sir, 我地中國偉大既國家主席胡錦濤係讀水利, 總理溫家寶讀地質, 同埋其他政治局常委都係讀其他學科, 都係同做既野冇關, 一樣可以治國, 我覺得讀嘜唔緊要, 最緊要係有批判既思維!」....哈哈, 串過碼頭姑哩, 當係最後成炮灰啦!

今天既答案...

「其實, 係有三個原因, 第一, 穩定!! Stable!! 做呢份工, 我不需顧慮份工既保障, 因而可以令我全程投入工作, 盡展所長, 第二, 政府做野, 有規有矩!! 以前, 我係地政處做, 樣樣野都有規有矩, 有指引, 夠清晰, 有filing, 工作環境整齊有序, 第三, 呢份工, 有使命感同好大既滿足感!! 因為份工唔係服務一個部門, 份工既服務對象係全港三佰多萬既打工仔同僱主!!!!!! 我有睇過你地既年報, 係呢幾年職業受傷(occupational injuries)數字, 4萬幾宗, 同十年前比較, 下跌三成!! 工業意外(industrial accidents), 同十年前比較, 下跌五成幾!! 職業病(occupational diseases), 同十年前比較, 更下跌八成!! 呢d成果, 都係靠勞工處既同事, 勞力工作!! 所以, 能夠做呢份工, 個份滿足感, 其他工作, 實不能比擬!!!!!!」

哈哈. 我不知他們點諗 (事實上, 一定個心笑到飛起, 試問有邊個唔鍾意俾人擦呀, 而且呢d真係事實...哈哈!!) 我敢相信, 呢個答案, 後冇來者, 成功與否, 已經唔理, 起碼一定令佢地留下深刻印象, 樂透半天!!