Sunday, August 31, 2008

立法會選舉預測

近日, 睇左好多立法會選舉辯論論壇,
港台
有線
NOW

個個辯論論壇都好精彩, why? 因為可以一次過揭開晒那些候選議員的假面具, 滿口仁義道德, 幫市民爭取嘜爭取物, 實質講一套做一套, 選舉時先係到扮晒親民, 妖!

9月7日立法會選舉, 邊d會落選? 我覺得幫政府講好話同時又幫市民個d lor, 騎牆派, 冇先明立場, 選舉一定PK。

第二就係政綱太多, 同時形象唔清晰個d lor, 阿哥, 有邊個市民咁得閒睇你d政綱呀? 你旗幟鮮明, 市民自然buy 你, 而家唔係選區議員呀, 講埋晒d爭取甚麼, 把x咩!

呢幾個月, 政治氣氛真係唔同晒, 政府弱勢, 醜聞多多, 市民不滿聲音高漲, 咁既環境, 親建派一定蝕底, 所以我今屆睇好泛民呀!

還有, 同四年前比, 互聯網已經非常普及, 好多市民上網睇新聞, 睇youtube, 睇討論區, 邊個候選議員講野冇point, 邊個政黨黑人憎, 唔駛睇報紙, 電視, 大家都心知肚明!

社民連會爭取到幾多席? 我諗起碼4席呀! (新界西: 大舊、新界東: 長毛、九龍西: 毓民 + 偉儀)

邊線機會: 九龍東: 阿陶 、港島: 阿牛

No comments: