唱片部落

上星期幫襯左一間位於旺角兆萬中心的唱片鋪, 名叫唱片部落 CD Blog, 地方不大, 但係就好正啦,

why? 因為成間唱片鋪都係賣發燒碟 (完全滿足到我呢類輕微發燒既人)....

http://www.cd-blog.com/

可能你會覺得發燒碟, 好多地方都有得賣啦, 有嘜特別wor?

此言差矣!

因為個老闆好nice, 佢會同你傾聽發燒碟心得, 例如德國發燒大廠Stockfisch《老虎魚》、瑞典Opus 3出版的唱片, 邊隻碟係代表作, 邊個歌手正, 邊一個年份做得最好, 邊隻碟再版後再再版...再再再版...點解咁勁, 邊首track 最值得聽等等...

當然口講冇用, 老闆會即場俾你試聽, arm 聽先買...當佢俾我聽Dali 個隻再再再版..,Track 11 既時候, 我真的呆了! 因為真係好鬼勁呀!!!!!!!!!!!!!!!!!!!!!!!個首歌只係兩分鐘, drums solo, 但係個種現場感係勁到痴線, 搵個人係現場打都冇呢種感覺!!!!!!!!!

係佢推薦下買左隻 TAS 2005 既SACD...自己本身買左 TAS 2004, TAS 2007...老闆話2005 做得最好wor..

http://www.aurora.ws/

回家聽下先, 嘩!!! TAS 2005 確實係正野!!!!!!

還有, 我問佢如果想聽王菲, 有嘜好介紹呀, LPCD 得唔得呀, 老闆話如果LPCD, 王菲個隻係最出色, 不過佢唔建議我買, 我話我買過陳伯強, 林子祥, 陳潔麗 LPCD, d聲只係just ok...佢都認同, 所以佢話如果想聽王菲, 就要買日本 version, 暫時黎講日本 version做得最好啦, 其他個d...奉勸唔好買啦,

佢話浪費金錢wor!!!!!!!