事實真相

昨晚myradio節目「毓民踩場」實在極為精彩!! 多謝毓民, 將事實始末清楚交代!

http://www.hkreporter.com/channel_list.php?channelid=3

火燒圓明園

剛聽完myradio - 毓民踩場, 節目尾聲播了這首歌, 實在太貼切, 值得在此推介!!

誰令你威風掃地
誰令這火光四起
恨意沖雲際
誰無怒憤不感痛悲

曾滴了多少血汗
才奪了天工建起
用我心力建
期傳萬世期傳萬紀

不想終是這田地
辱了家邦也辱了門楣
大火當中血肉滿園
為你死正因要維護你

還望這火的震撼
能令我子孫記起
自會醒悟到
何來外侮為何受欺

用這火為記
重提舊怨為何受欺

【香港人網獨家片段】黃毓民, 陳偉業退出社民連集思會 (毓民發言)

完全明白, 永遠支持, 毓民!!

風裡的繽紛 毓民 大舊

風裡的繽紛 毓民 大舊

不必歎息亦無須傷心
心中有愛不應有恨
共你相逢瞬息分離
願這份愛逝去莫留痕

不必去想為何不生根
風的意向不可以問
命裡安排我不恨人
未洩盡氣亦要再浮沉

你我似番皂泡
碰到又要分
聚散也靠清風帶引
愛也似番皂泡
看似耀眼繽紛
若破滅了世上也未留痕

恭賀新禧

毓民大舊退出社民連!!

養狼狗, 咬春袋, 現任主席真係廢到仆街, 唔識飲水思源...

毓民, 永遠支持你!!

Oasis --> Beady Eye

肯定係今年最期待既album之一!! Beady Eye are an English rock band formed in 2009 by former members of Oasis, following the exit of key songwriter Noel Gallagher.


Debut Album: Different Gear, Still Speeding

* Released: 28 February 2011
* Label: Beady Eye Records

毓民: 時薪廿八元不收貨！

毓民好野, 這才是人講的話, 一棒多響, 支持!!

Welcome back....毓民

近日發生風風雨雨, 作為毓民既支持者, 真的很想聽聽佢既見解, 各位大大, 係myradio 2011年1月6日, 星期四既毓民頻道, 毓民強勢回歸, 大家又可以上網收聽啦!!!!!!!!!

2011-01-06

主持人： 梁錦祥、大舊、黃毓民
主題： 毓民頻道-(第261集).........

萬眾期待毓民回歸.

社民連絕對不會倒下去.

作為領導不應迴避問題.

http://www.hkreporter.com/channel_list.php?channelid=3

Norah Jones - ...Featuring

近日最喜愛的專輯, 肯定是Norah Jones 最新大碟 ... Featuring, 真係好正, definitely one of the best albums in 2010, 同對上個隻 The Fall比較, 完全係兩回事, 更令人驚喜的是, 今次嘉賓陣容強到爆燈...Ray Charles, Herbie Hancock, Willie Nelson, Foo Fighters (前Nirvana成員既組合), Belle & Sebastian (你冇聽錯, 真的係來自英倫既B&S) ...!!!!!

http://www.norahjones.com/discography/featuring.php

Speaka - I am fine

當我第一次聽到此曲, 完全不敢相信是本地樂隊作品, 沒話好說, 真係有料到, 係現今樂壇(包括外國)充滿垃圾音樂既年代, 很高興還有Speaka, 加油!

Speaka - Home

香港有冇世界級既Band? Speaka是也!! 2009年才成立, 不用多說, 一聽流暢既編曲, 紮實既音樂, 棒極既錄音, 再加上一把極有感染力既主音, 他們不是天才, 是甚麼!?

I don't wanna say 仆街

高手! 精彩! 無論語調, 手法, 身體語言, 都係極盡諷刺之能事, 詹sir, 你係好野!

Rap Now 2010

真係唔知邊個豬西獻計, 正版係Youtube, Dislike既人遠多過 Like, 網上我見到有兩個版本, 一個正版, 一個惡搞版, 各位大大, 大家睇下~

轉自 Apple Daily : 「揮舞雙手跟唔切 beat 八方睇完個 MV，睇見煲呔 Fing手 Fing腳擺出一副政壇 chok樣，非常驚嚇。

呢首聖誕歌叫"Rap Now 2010"，失驚無神喪嗌香港市民起錨，話要同市民賀聖誕，但喺大部份歌詞都似喺度擦煲呔鞋，例如「我同特首估唔到咁有緣」、「好想要一條特首嘅 Bow Tie」等等。煲呔冇 rap埋一份，但喺 MV度都有幾句對白，包括好鬼生硬咁講咗句「係？ check it out！」又不時跟住節拍揮舞雙手，但總係跟唔切個 beat。

套 MV上咗 fb、 YouTube後網民劣評如潮，直到噚晚 9點半，有 2,615人 dislike、 800人話鍾意。有網民話自從陳岳鵬入左特首辦之後，煲呔戲路闊咗；有人就覺得聽到起錨兩個字，就好似喺佳節被人問候屋企人一樣咁無奈。」

維園解密

我不是黨成員, 我不用顧忌, 當我聽到此事, 第一時間, 令我想起阿桑奇, 無論中外, 政治迫害都係呢招...



唔緊要, 支持你既人, 係死硬派, 一定會繼續支持, 好似Liam Gallagher所唱, It's gonna be ok!!

John Lennon - Beautiful Boy

Larry 想整一套片, for Kwok Bo 一歲生日, 問我有甚麼歌適合, 腦海中, 即時令我想起兩首歌, 一首是John Lennon - Beautiful Boy, 另一首是Oasis - Little James, 兩首都是作俾個仔仔, John Lennon - Beautiful Boy, 歌詞同旋律都是動人非常, 真的是天才...

兄弟

現在終有時間講講全個婚宴背後一些功臣, 8個兄弟少不了, 係致謝詞中, 我也有點名提及, 但係當中細節, 實在值得在此Blog詳述...

Michael 既7人坐架, 真的為我呢個婚宴提供很多方便, 由一朝早到散席回家, 全程配合, 冇得頂!! 佢既攝錄, 有不少片段, 確實珍貴, 我真的要好好保存!!

阿Bon 既車, 又係幫助不少, 還有, 係驚喜環節彈結他, 引起賓客注視, 完全迎合我既驚喜計劃!!

阿Po拔刀相助, 幫我做MC, 佢有搞開Speed Dating 派對, 所以, 我對佢既表現, 係完全信任, 事實上, 我同Cherry都覺得, 阿Po當晚講得好好, 佢講得對, 我地真係識左廿幾年, 還記得以前一齊打乒乓球, 一齊夾Band, 一齊踩單車仆崩牙既回憶, 哈哈~

雞糊 既車, 做我地新人花車, 合適不過, 佢係婚宴中, 提及ICQ事件, 我也差點忘記, 不過, 有句說話, 佢講得對, 一路走來, 始終如一, 正是小弟做人態度!!

江仔, 係驚喜環節既智囊, 由籌備婚宴到當晚婚宴安排, 佢都幫助不少, 還記得同佢係旺角花墟, 揀花既種類, 顏色, 數量, 價錢, 散枝裝既配襯, 用係驚喜環節, 佢都提供不少寶貴意見, 當晚既音樂安排, MIC既聲量, DVD播放, 亦完全符合我所想, 還有, 睇番當日接新娘d片, 江仔真係捱義氣, 頂左唔少, 呢個老表, 真係唔話得!!

名師, 又係驚喜環節既智囊, 仲要係其中一個好友祝賀既參與者, Cherry 同我都覺得, 佢個段說話同表情, 真係好搞笑, 到現在, 我還不明白, 他為甚麼要係最尾講多謝...

盧鴻, 我既伴郎, 佢話唔明白, 點解我搵佢做伴郎, 原因好簡單, 佢係我識既朋友當中, 少數未結婚咯, 當然, 亦要有台型同埋講野夠真先得啦, 識佢既朋友, 都知佢講野有幾真, 唔會轉彎抹角, 阿基最清楚...盧鴻當日又係幫手攝錄, 多謝!!

Larry, 佢身兼數職, 佢係兄弟, 係驚喜環節既智囊, 係當日攝影師, 係大妗姐, 又係諧星搞氣氛, 如果我日後自己搞婚紗生意, 我一定會誠邀佢幫手, 佢係香港不可多得既人才, 除左梁醒波之外, 就數到佢...

Yingwai, 阿賢, 阿揚...太多太多, 你地為我同Cherry呢個婚宴既幫忙, 我係深深體會得到, 江仔, 名師, Larry 既婚宴, 我都係做佢地兄弟同MC, 現在, 佢地又做番我兄弟, 你來我往, 友誼永固, 道理就是這樣簡單, 所以, 未結婚既朋友, 他日需要幫手, 即管開聲, 我係肝膽相照, 義不容辭!

男兒淚

多謝Michael, 幫我攝錄全晚婚宴過程, 昨晚同Cherry 睇番, 真係感動, 特別是致謝詞個part, Cherry 話我講野有起承轉合, 能引起觀眾反應...

係致謝詞中, 當我提到屋企人, 我實在不能自控, 流下男兒淚, 朋友說得對, 我係一個大情大性既人, 雖則男兒有淚不輕彈, 但係, 個一刻, 腦海中, 太多回憶一次過浮現, 你若是我, 站係台上, 一定也會有此番感受~

我明白歌手上台攞獎喜極而泣, 非凡哥上台攞最佳男配角個份激動, 因為, 有些感受, 係一個moment, 一個場合, 你係會特別感受至深~

攝位人

不知是誰發明這個名詞, 每逢婚宴, 總聽到...「阿邊個邊個, 你介唔介意坐另外個圍」...如果我說介意, 你又會點? 為左慳個少少, 做埋晒d老套野, 阿哥, 而家玩小學生填充比賽呀!?!?!? 人家黎你個婚宴, 其中一個目的, 就係同d親戚朋友傾下計, 掉左去另外一圍, 自己爬飯, 傾條毛呀!?

唔係認叻, 我既婚宴, 完全禁止此等事情發生, 當晚係唔係圍圍12人, 當然唔係!! 但係我同酒樓經理講照做16圍...有兩圍, 甚至出現13人同14人, 要加錢, so what??

記住, 婚宴係一次, 你慳個少少, 換黎既係攝位人一生難忘既不快回憶~

茉莉花

甚麼人睇, 有甚麼感受, 大家心照~

不要Ban 我, 因為我係播宋祖英版本呀, 我國偉大既歌唱家 - 宋祖英!!!!!! 宋祖英 (1966年8月13日－)，苗族，中國大陸知名的歌唱家。被譽為當今中國民歌天后。國家一級演員。畢業於中央民族學院(現中央民族大學)音樂舞蹈系，中國音樂學院民族聲樂碩士,這是中國民族聲樂專業首設的博士學位。1990年首次登上中國中央電視台春節聯歡晚會一舉成功。現任中國人民解放軍海軍政治部文工團副團長，專業技術三級,享受副軍級待遇。

Ref.: http://zh.wikipedia.org/zh-tw/%E5%AE%8B%E7%A5%96%E8%8B%B1