區區近日有位朋友, 準備結婚, 一班朋友, 當初講笑, 要求餅卡, 主人家唔理, 最後, 呢班朋友重提再重提, 你以為主人家太忙, 冇時間理會? 原來他已私下投訴其中一位朋友, 反問人家當年有冇俾, 仲話要計利息, 又問人小孩到底要唔要坐...(人家小孩3歲...), 又向身邊同事透露唔開心等等...
坦白說, 呢件絕對係一件小事, 由始至終, 冇人去care 件事既成果, 我地care, 係主人家處事方法, 觀人於微, 一件芝麻綠豆事, 可以睇出當事人心態, 你有你自由, 但係朋友心中點諗, 大家心照, 婚宴一日, 印象一世
有些朋友, 好言相勸, 可惜, 理據實在太過薄弱, 點幫...
身邊一位識左30年既朋友說得很對, 婚宴, 係俾面派對, 賓客係有比人情, 唔係免費來飲, 有新人, 冇賓客, 也難成婚宴, 賓客係V.I.P. , 有出席區區婚宴既朋友, 記得區區係婚宴講過甚麼嗎? ...「有一句說話, 我想講左30年, 今日, 終於有機會係度同大家分享, 就係歡迎大家今晚蒞臨我既婚宴!! 今晚出席既親朋好友, 都係我, 我太太, 同埋我地屋企人, 最想最想宴請既, 所以, 今晚你地每一位既出席, 參與, 同支持, 我真係要係度, 由衷說聲講句...多謝!!」
主人家因為原則, 覺得受屈, 反而怪責賓客, 同CY Set自己士碌架, 有何分別!?
你做大, d細叫你請食飯, 你唔請, 絕對可以! 但係d細會點諗? 日後做野會唔會咁落力? 道理就是這樣簡單, 明唔明?
No comments:
Post a Comment