on鳩仔

譚 Sir亂噏氫氣被恥笑


將 try my best變成「搓搓我個胸」、北極有企鵝，向來偉論多多嘅民建聯，最新傑作由主席譚耀宗炮製。佢噚日批評長毛喺立法會放氣球，話入面有氫氣，遇熱可能會爆炸同令電線短路，隨時搞出意外。譚耀宗讀書時，唔知有冇聽書，氫氧球入面嘅氣體唔係易燃會爆炸氣體嘅氫（ Hydrogen），而係氦（ Helium），只係因為忌諱，所以叫「氫氣球」。繼英文、地理科「肥佬」後，譚 Sir代表民建聯，幫手肥埋科學呢科，真係唔話得。高登仔當然唔放過呢個恥笑民記機會，建議該黨可以「成功爭取氫氣球唔用氦氣」做區選新口號，開發新票源。

一眾建制派立法會議員，昨日繼續為曾蔭權的「黑社會」論及立法會主席曾鈺成的處事手法保駕護航，其中民建聯主席譚耀宗更發表謬論，指社民連立法會議員梁國雄日前在立法會放氫氣球抗議曾蔭權非常危險，因為氫氣球「遇熱會爆炸」。不過科學家曹宏威澄清，氫氣球早已在本港停售，市面買到的是不會爆炸的氦氣球。梁國雄憂慮建制派會要求港府立法禁售氦氣球：「我真係好難過、好擔心，啲細蚊仔將來會冇氣球玩！」


梁國雄日前在曾蔭權宣讀施政報告時，在立法會會議廳放出一個掛有「煲呔禍港，官商勾結」的氣球抗議。譚耀宗昨日被問及曾鈺成應否裁定曾蔭權的「黑社會」論違規時，辯稱不會糾纏於主席裁決，但強調議員應自覺及不應影響他人安全，批評梁國雄放氣球可能引起爆炸或電線短路。

氦氣球不同氫氣球譚耀宗的「氫氣球爆炸論」旋即被網民瘋傳，批評他無知及失禮港人。曹宏威指出，真正的氫氣球的確會爆炸，危險性視乎氣球大小，但正由於氫氣球有危險，早已在港禁售，現在市民在市面買到的其實是氦氣球，一定不會爆炸。梁國雄慨嘆譚耀宗「語無倫次」：「民建聯連北極有企鵝都講得出，水平係咁上下㗎啦。」

Ref.: 東方日報