完美部署

鍾意賽馬, 而又有留意呢個Blog既大大, 都知道我曾推介一隻馬, 名叫「開心歡笑」, 可惜有一次推介, 99倍超級大冷門跑第四...

今季小弟繼續留意呢隻馬, 季初跑一場, 是熱門, 以我愚見, 佢部署咁耐, 一定擇肥而食, 一定唔會去馬, 結果真係三甲不入, 跑第四, 上場第二次出賽, 跑1400米, 換上大騎師潘頓, 冇得傾, 大騎師真係大騎師, 騎技出神入化, 跑第尾!!

今次第三次出場, 明日星期天跑第 8 場 仁濟盃（讓賽） 16:05 開跑, 獎金: $900,000.00, 評分: 85-60, 三班1200米, 2號馬, 換上楊明綸, 排14檔...以佢排外檔, 上場跑第尾既種種"不利"因素下, 今次一定乏人問津, 但係, 我可以同大家講, 今次「開心歡笑」一定去馬!! 部署兩年, 難得跑首本路程1200米, 仲要係三班, 冷門, 以佢對住一班明星馬天久平排互鬥既戰績, 今次係三班, 可以說是大人對細路仔, 劉翔對劉華, 冇得鬥呀!!

係唔係真!? 明日星期天第 8 場 16:05 , 大家就會知曉!!