小心樓市泡沫

好多年前買樓好像輪米、輪水般， 97年樓市炒到如癡如醉時，冷不防由天堂跌落地獄，坊間怨氣冲天。一時話政府八萬五房策打擊樓市，一時又話搞不好經濟讓樓市下滑，總之不是自己的責任。如果大家入市時看清楚本身置業能力，樓市升跌縱使短促，理應可以捱得過。

90年經濟轉型，由製造業轉型為服務業、金融業，後生仔不愁找不到工作，儲了積蓄便想買樓。克儉勤力精神是香港人精神，也是靠這份堅持，即使遇上不少風浪亦成功過渡。

今時今日炒風雖不盛，但買樓瘋狂程度有過之而無不及，作為 60後，老樓在此提醒各位：「上帝要你死亡，必先令你瘋狂」，入市安全位十分重要，否則自討苦吃不能怨別人。

聽地產界老前輩說，樓市陷入瘋狂的徵狀，不外乎無能力人士勉強買樓、無經驗者合資短線炒樓博一鋪、新盤排長龍、高價賣樓搶錢等， 97年初上述三種現象全部出現，亞洲金融風暴只是爆破點，樓市泡沫在之前已形成，只不過借機爆發而已。

今番樓市已初步出現這現象，還包括炒二線樓、炒賣居屋，和借錢買樓，只是由於現時資金充足和低息效應頂住。如果這利好因素突然消失，樓市必來一次大調整。縱使坊間認為樓市如日方中，逼近 97價不代表一定泡沫爆破，但當年亦有不少專家提醒大家小心泡沫，被人當作二流分析員。當樓市爆破後他們一炮而紅，變成樓市預測一代宗師，始終「忠言逆耳」，順耳的肯定啱聽。(說得對極了!)

加薪幅度低於樓價升幅
政府剛公佈失業率維持 4.6%，職場願意請人的公司只環繞中興行業，如地產業、零售業、金融業，但製造和教育業的失業率升幅仍然明顯，反映只旺個別行業，工資水平升幅遠低於樓價。因此豪宅市場多年來一直是有錢人或大企業的主菜，中小型住宅仍要依賴普羅大眾支持，有穩定的工資升幅才支持樓價升幅，無時無刻也提高風險管理，不可看輕。

劉兆昌

Ref.: http://hk.apple.nextmedia.com/

後感: 樓市將來升跌, 係冇人知, 靠個班濕9測量師, 死得, 賣地差, 佢話差, 賣地好, 佢話好, diu, 我都識做啦, 大家記住, 歷史係最有力既証明!! 大家睇番近廿年cycle, 你話有幾多次大起大跌, 最緊要相信自己, 人on 9 你唔好一齊on 9, 老樓講得對, 加薪幅度低於樓價升幅, 失業率4.6%, 根本係冇意義, 一份人工請兩個人, 失業率梗係低啦, 而家既薪金, 同當年根本冇大分別, 甚至相同職位, 薪金更低, 但係衣食住行就樣樣加, 特別係住, 你以前同人講我買過萬元一尺樓, 人家會極為驚訝, 現在? 10個新盤有8個超過萬元! 但係市民既生活水平, 係同以前冇分別, 你話係咪泡沫? 我諗白痴都知道答案啦, 總而言之, 樓市pk一定有理由, 只是冇人估到係嘜野而已~

有人曾說兩點做買樓指標, 我覺得對, 第一, 當地產商減價賣盤, 第二, 當冇人排長龍買樓...

不要嘲笑, 以上兩點, 近廿年起碼出現過四次!!