聖誕派對2007

上年缺席, 今年出席番, 而且仲係新band房舉行...

很高興有18位大學同學出席, 因為聖誕派對人多..氣氛先好呢

最令我敬重是其中一位X先生...他幾日前對我說要早走, 但當晚堅守到最後...才和大顆兒一同走, 雖然我不知道他其後情況, 不過他的行為, 著實令我感動.......一日大佬, 一世大佬!

這次是和Bandroom gathering 一同舉行, 我覺得都不錯, 雙料娛樂, 當然時間如果可以長d會更好...

當晚songlist...

1) Beyond - 長城 (是Cherry 提議, 她說看了一個時事節目, 當中播了呢首歌, 我覺得呢首歌梗係正啦, 內容更加是言之有物, 絕對Democwall!)

2) 周柏豪 - 同天空 (自己喜歡的作品, 廣東歌, 但旋律好英式, 正!)

3) Live - All over you (一氣呵成的作品, 美國樂隊Live 其中一首經典, 亦係我地練習得最多, 最熟練的作品)

4) Oasis - Stand by me (Oasis, 永遠都係我們偶像, 當然要玩一首佢地作品啦)

5) 鄧麗欣 - 電燈膽 (阿Bon 提議玩的, 當中改了編曲, 成首歌生晒!)

6) 黃耀明 - 如果你愛我 (當晚玩到...$%^&*X?^)

7) 王菲 - 流星 (劉以達的作品, 真是一首好歌, 我想我們如果搵到位女聲唱, 就無懈可擊啦)

8) John Lennon - Happy X'mas (War is over) (好有意思的一首作品!)

Encore:

9) 陳奕迅 - 歲月如歌 (Samuel 獻唱, 雖然抱病在身, 但都唱得不錯呀)

10) 陳奕迅 - 天下無雙 (其實陳奕迅兩首作品都係Samuel 選的, Samuel話要唱俾佢既天下無雙, who is she? 當然是Adeline 啦)

抽獎禮物...年年都有爛既禮物...今年最爛是甚麼? 我想是以下呢份啦...

最佳又是甚麼? 當然是曾Sir 家事常識手冊啦!

朱凌凌 博到單車變摩托@真的散band了

這次《博到單車變摩托@真的散band了》之演出結集了本港劇界台前幕後精英，包括導演陳淑儀（「香港舞台劇獎」最佳男主角、最佳男配角及最佳導演獎得主，現為香港演藝學院戲劇學院表演系全職講師）、編劇龍文康（憑《門徒》獲金馬獎最佳原創劇本提名）、特別演出伍潔恩（「香港舞台劇獎」最佳女主角及最佳女配角得主，現為香港演藝學院戲劇學院表演系全職講師）、監製楊秉基（策劃及編導多個舞台演出，包括《駒歌》、《陰質教育》、《吉蒂與死人頭》、《點呀老豆老母》等）、
統籌賴恩慈（獲藝術發展局07年度深化交流計劃獎學金遠赴三藩市默劇團實習，剛被選為浸會大學傑出畢業生）等。而領銜主演的樂隊朱凌凌除了是娛樂圈新冒起的男子組合，以獨特的風格與歌路見稱外，成員均是資深的劇場工作者。好戲量繼分別與張繼聰、謝安琪合作音樂劇場《駒歌》及《歌神英雄傳》後，這次與朱凌凌crossover，想必會於劇壇再擦出新一輪火花。

Ref link:
http://hk.myblog.yahoo.com/jw!JB6.SkuFGRn41N_PMpJ.MjLRDoc-/article?mid=395

黃子華棟篤笑之愈大鑊愈快樂

我比較喜歡上年那個兒童不宜, 因為黃子華講d話題好多都好有共鳴, 今次不是不好, 只是話題比較廣, 基本上, 黃子華已非常成功建立左自己形象, 他即使不講笑, 你也覺得好笑, 就好似周星馳一樣...

今次個show係四面台, 我覺得麻麻, 三面台始終好d, 不過, 今次多左d花巧野, 有舞台, 有音樂, 有打扮, 效果幾好, 當然, 最正...始終都係黃子華自己啦.

西貢BBQ

和Cherry 的朋友去西貢 BBQ...這是自助形式, 相比小纜o個個...我覺得呢個好d..幾舒服, 食物都幾好食!

畢業相

雖然相片沒有你, 但係係我心裡面, 你永遠都陪伴著我!

真是緣份, 竟然剛巧踫到潮流教父!

好久不見

一個愉快的晚上, 一班相識超過15年的朋友...

幾個小時, 實在容不下太多話題...

粗口王

講粗口講到令人發笑...真係犀利...聽完再聽都係咁爆笑!

一周短評

近日..太多新聞值得討論..有好多感受...

1) 好高興"良心"當選, 如果今次泛民總動員出來幫手都落敗, 08立法會選舉肯定民建聯一黨獨大, 香港唔黑暗就奇! 有"良心", 起碼可以制衡2/3立法投票權, 不論你支持民主, 支持普選與否, 對香港..絕對是好事!

2) 老慒董攞中大榮譽法學博士學位, 我好反感!!!!!!!!佢憑嘜資格攞先? 憑佢治港七年, 建華之亂, 萬劫不愎? 憑佢SARS害死299條生命? 憑佢強行推23條立法, 令50萬人上街? 憑佢搞垮香港經濟, 令香港失業率節節上升? 憑佢搞垮香港教育, 令一大班大專畢業, 副學士畢業生畢業變失業, 讀完等於冇讀? 憑佢破壞公務員長俸制度, 產生大批合約非公務員, 冇point跳, 冇福利, 冇長俸? 千古罪人攞博士學位, 不但對於中大既應屆畢業生, 甚至對個畢業典禮, 對全港市民, 都係恥辱!!!! 你想擦鞋, 唔該唔好攞榮譽博士學位黎玩, 畢業典禮係神聖的, 唔係阿諛奉承既地方!

3) 毓民名句...狗改不了吃屎! 即使點樣粉飾, 都掩不了真實本性, 曾x成就係明証! 當年入官場, 俾人問起坐牢事件, 佢叫人唔好講以前既野, 要向前看......到左今日, 曾x成竟然自己出爾反爾, 大罵"良心", 重提殖民地時代既事, 點解佢又唔向前看呢? 原始既奴才性格, 係鏡頭面前曝露晒, 精彩......當然, 更搞笑是, 老鼠華要求"良心"調位, 話講野唔方便, 哈哈...鬼鬼祟祟..., 好彩"良心"堅持唔調, 大快人心!

Kevin Rudd eating ear wax during Question Time

澳洲第一個食耳屎總理

Angela Aki - サクラ色 (LIVE)

唱作歌手日意混血兒Angela Aki 出第二張大碟啦..正呀!

Yann Tiersen - La Noyee (solo)

想網見到有人翻玩 Yann Tiersen 經典...真係玩得好好...bravo!

陳潔麗開演唱會

我最欣賞既女歌手陳潔麗將會係九展開演唱會!!
日期係29 Dec. 2007

不過, 如果個日d friend 真係得閒, bgy tour 當然會照搞啦, 如果唔去既話, 我就仆去睇陳潔麗啦.

大家聽聽呢個2007廣州高級音響展（第十一屆 , 白雲賓館舉行 )既live video..陳潔麗把聲真係好正呀!

戴子珽

聽完蕭生個節目...講香港奇女子, 一於睇下咩料...
ref. link:
http://the-sun.on.cc/channels/news/20070817/20070817024405_0000.html

http://hk.geocities.com/lana_house/main.html

敦煌龍門派?...真係好奇呀

今年最後一個影響香港既颱風

時間: 下星期初

機會: 如果季侯風強列, 0%; 如果季侯風輕微甚至無, 咁就有機會吹香港啦!

估下股市

記得幾個月前, 股市破二萬, 我同黃教授講, 過左二萬, 好快上試三萬, 換來的反應當然是他的譏笑, 瘋人瘋語

不過, 我始終認為只有那些沒有參與股市的人 (包括我), 聽消息, 睇股市好多時都會清楚d, 因為冇負擔, 冇任何顧慮

近日股市有波動, 好多股神話年底32000, 我就持悲觀態度, 我認為過年前下試16000! 我相信歷史, 亦相信一d節日香港人的舉動, 記住, 呢個世界冇咁著數既野, 睇香港經濟, 由自己衣食住行睇起!

《AV雙周》活動 –KEF XQ series 鑑聽級試聽會

星期六係中環參加左一個speaker試聽會...

因為英國KEF出左新XQ系列speakers...一於去聽下正唔正...

未買酒桶仔前, 曾經考慮過買XQ old model.., 不過聽過一次之後, 覺得d聲唔掂, 好普通...所以冇買..

今次出呢套新系列, 外型真係唔錯, 試聽o個個model 係XQ40, 聽左幾首作品後, 我可以話今次新XQ系列絕對收貨, 人聲, 鼓聲, 結他聲, bass, 100%真實演繹出來, 冇味精聲, 反應快, 準!

當然佢未必能帶俾你一種驚為天人既感覺, 而且我覺得聽純音樂, 表現好似好d, 純屬個人意見, 人聲不是不好, 可能你聽完之後或者會好滿意

代理話呢套XQ40第一批貨, 已經全部俾人訂購晒, 賣幾錢一對? $19800...

代理話呢個價錢, 同級speakers, 暫時冇對手! ...哈哈, 是真與否? 我未聽過其他牌子真係唔知, 不過你問我呢對XQ40值唔值$19800, 我可以話絕對值!

補充一句, 今次試聽會免費送一套蔡琴全新國語專輯《金聲演奏廳》CD+DVD, 真係正!

最近係網上睇到話...我用緊個對酒桶仔係$10000 元級別以下speaker排第一位!...哈哈, 呢點我絕對同意!

暫時為止, 係我心目中最常擁有既一對Speakers, 仍然係Pioneer S-2EX! 幾錢? $6000 而已, 不過係美金!

RTHK 2007年10月24日區選論壇 (梁安琪 VS 陶君行) Part#3/3 FINAL

陶君行, 支持!!

RTHK 2007年10月24日區選論壇 (梁安琪 VS 陶君行) Part#2/3

Part 2 仍然精彩!
係唔係讀書讀都痴左?

RTHK 2007年10月24日區選論壇 (梁安琪 VS 陶君行) Part#1/3

無野好講, 非常精彩!
甚麼是刁民? 一眼睇晒!

我的恩師

終於畢業啦...今年很特別, 因為Poly係綜藝館加開一個Graduation Cermony...每位畢業生都會被叫名, 然後上台同Faculty Dean鞠躬, 相比紅館那個畢業禮, 我覺得呢個正好多, 起碼真係有一種畢業既感覺, 亦多左一份尊重, 當Faculty Dean 講 "I receive these candidates to the degree of Master of Philosophy"...我差點流淚!




呢位就係我既Mphil study's supervisor...Prof. Ding, 佢真係一位好好好...既老師! 係讀Mphil個段期間, 不要以為好得閒, 好free...當你遇到一d問題唔知點解決既時候...真係好痛苦...同埋有好多潛藏既壓力...每當我同Prof. Ding 傾完之後, 他俾既意見雖然未必能夠即時解決到個問題, 但係個心會舒服d, 張d壓力釋放...

有些時候, 我都唔知道點解Prof. Ding 咁睇得起我, 我不是甚麼天才, 不是甚麼first class honours, 在此..我真係要由衷感謝他對我的賞識, 係Mphil study 期間, 我未能幫他publish 很多paper...我真係心有些少愧...

不要以為他的友善是表面...其實係Mphil study 和他相處日子期間, 任何時候他都是這麼友善, 你有要求或者你有問題, 他一定會認真思索, 然後搵方法幫你解決...

同佢握手, 他會很用力, (我的媽媽和姑姐也有同感)...會俾你一種熱誠的感覺, 呢點我真係好欣賞他!

記得有一次和他係佐敦吃晚飯, 他說如果讀完Mphil..而又係出面未能搵到工, 他有一份research assisant 既post可以俾我, 此刻我真係好感動..更令我感動是當我3年前最傷痛既時刻, Prof. Ding 的不斷安慰, 令我支撐起來...

坐著他的座駕, 他會和你傾好多話題...而且對話亳不造作, 好真摰!

我好相信運呢樣野, 遇到一位伯樂, 恩師, 真係可遇不可求, 如果要我列出三位心中最重要和最具影響力的男性, Prof. Ding 肯定是其中之一!

點解唔like葉劉?

如果我係港島區選民, 我一定投棄權票, 因為真係揀唔落手, 香港良心雖老妓從良...但假人假義得很...另一個...?今天蔡瀾在蘋果專欄已說出我的心底話...

蒼蠅

我 不 喜 歡 藐 嘴 女 人 ， 因 為 她 藐 嘴 ； 至 於 四 萬 ， 我 也 不 喜 歡 ， 因 為 她 當 英 國 人 高 官 時 ， 對 外 國 記 者 和 本 地 記 者 的 嘴 臉 ， 完 全 不 同 。

英 文 有 一 句 話 說 ： 「 Between the devil and the deep blue sea 在 魔 鬼 和 深 藍 大 海 之 間 的 選 擇 。 」 四 萬 該 是 魔 鬼 ， 而 藐 嘴 女 人 是 深 藍 大 海 了 。 深 藍 大 海 ， 字 面 上 很 有 詩 意 ， 其 實 是 指 惡 毒 、 危 險 、 陰 魂 永 遠 糾 纏 不 清 。

藐嘴 女 人 其 實 只 是 執 行 上 司 的 任 務 ， 人 家 叫 她 推 惡 法 ， 就 努 力 做 好 這 件 事 。 但 是 沒 有人 叫 你 看 人 低 ， 沒 有 人 叫 你 亂 吠 。 當 年 的 她 ， 一 副 拿 了 雞 毛 當 令 箭 的 惡 形 惡 相 ， 這是 雌 性 動 物 之 中 最 下 賤 的 行 為 。

好 了 ， 到 外 國 打 一 個 轉 ， 寫 了 一 篇 論 點 不 切 實 際 、 文 章 枯 燥 無 味 的 文 章 ， 又 再 回 來 出 風 頭 了 。 這 種 人 ， 不 出 風 頭 ， 一 輩 子 不 死 心 的 。

回來 後 ， 掃 把 頭 不 見 了 ， 雙 頰 多 了 兩 塊 橫 肉 ， 哭 笑 起 來 不 會 彈 動 ， 是 否 注 射 了 什 麼 菌而 殺 死 細 胞 ？ 總 之 樣 子 愈 來 愈 難 看 ， 從 前 的 癡 肥 維 園 阿 伯 還 有 幻 想 ， 當 今 枯 枯 ， 阿 伯 們 也 不 想 光 顧 了 。

本 身 不 主 張 普 選 ， 就 硬 到 底 說 不 支 持 好 了 ， 至 少 人 家 也 相 信 你 有 種 。 這 種 出 爾 反 爾 的 言 論 ， 養 你 的 人 內 心 一 定 提 防 。 改變 的 不 止 是 髮 型 ， 還 自 稱 支 持 民 主 。 這 種 話 ， 說 來 誰 會 相 信 呢 ？ 接 受 訪 問 時 ， 還 連聲 道 歉 ， 說 「 希 特 拉 也 是 透 過 民 主 選 舉 執 政 的 」 那 些 話 講 錯 了 。 那 有 人 管 你 什 麼 希 特 拉 不 希 特 拉 ， 香 港 人 根 本 認 為 不 關 痛 癢 ， 要 道 歉 也 要 道 歉 到 眼 處 ， 道 歉 希 特 拉 的 例 子 幹 個 鳥 ？

在電 視 上 留 下 的 藐 嘴 形 象 ， 一 萬 年 後 也 抹 煞 不 了 ， 他 媽 的 要 道 歉 ， 就 先 道 歉 當 年 不 應那 麼 囂 張 ， 傷 害 了 香 港 人 的 心 靈 。 這 種 人 ， 非 像 蒼 蠅 一 樣 一 拍 拍 死 不 可 。

可 能 是 近 來 減 膽 固 醇 藥 吃 得 多 ， 引 起 的 副 作 用 令 我 脾 氣 大 了 ， 否 則 這 種 東 西 ， 罵 都 多 餘 。


P.S. 有人或者會問, 你可以投何來?....天呀, 真不明白香港點解咁多呢d騎呢人...

Kent - Socker

Kent 又出新碟啦! 係Youtube 搵到佢地一首經典之作...Socker既Live...大家聽聽呢隊來自Sweden 既樂隊係唔係你杯茶?

你公司有呢類人嗎?

很喜歡看林夕係蘋果日報的專欄, 正如他填的詞一樣 (不過我較少聽廣東歌...), 他常常道出了都市人日常面對的喜與悲...

今日寫呢篇..我幾有同感...你們又有沒有?


只 看 見 別 人 眼 中 的 沙 石

一 代 高 人 詩 佛 雙 全 的 弘 人 一 大 師 道 ： 臨 事 須 替 別 人 想 ， 論 人 先 將 自 己 想 。

這可 能 是 和 諧 社 會 以 至 人 與 人 和 諧 相 處 的 金 句 。 聽 到 不 中 自 己 胃 口 看 法 ， 或 遭 到 不 公平 的 待 遇 ， 嘗 試 從 別 人 的 背 景 ， 思 想 ， 或 是 苦 衷 ， 心 自 能 澄 明 如 鏡 ， 照 見 對 方 可 能沒 有 所 謂 錯 對 的 立 場 ， 再 而 設 身 處 地 ， 假 如 你 是 他 ， 你 會 怎 樣 ？

莫 說 你 是 下 屬 ， 即 使 是 上 司 ， 在 所 有 管 理 哲 學 中 ， 我 仍 然 深 信 以 德 服 人 ， 才 能 讓 以 無 為 之 治 而 自 然 讓 員 工 自 行 上 力 釋 放 最 高 的 生 產 力 及 創 作 力 。 替 別 人 想 ， 不 是 替 他 想 ， 而 是 理 解 他 何 以 有 這 樣 的 表 現 或 表 態 ， 是 他 的 頂 頭 上 司 壓 下 來 而 無 權 反 抗 或 協商 無 效 或 未 獲 信 任 ？ 是 她 的 經 驗 不 足 或 旁 邊 的 人 未 有 照 顧 到 這 點 而 誤 導 了 她 ？

論 斷 人 是 很 容 易 的 ， 向 來 批 評 都 比 讚 人 容 易 ， 看 見 不 順 眼 的 就 彈 彈 彈 ， 但 我 們 漸 漸 忘 了 怎 樣 用 一 種 欣 賞 的 態 度 去 看 人 看 事 ， 讚 人 讚 得 有 觀 點 有 發 ， 當 中 所 需 的 修 養 與 素 養 簡 直 是 我 們 還 未 及 水 平 的 藝 術 。 先 將 自 己 想 ， 是 的 ， 別 人 無 理 無 力 ， 你 自 己 又 是 否 有 理 有 力 ， 甚 或 你 連 別 人 所 做 的 專 業 ， 你 也 只 是 門 外 漢 的 底 子 以 懷 疑 論 向 對 方 發 炮 。 (寫得真好!)

我不 是 在 同 意 一 些 導 演 的 牢 騷 ， 你 影 談 彈 得 天 花 龍 鳳 ， 那 有 見 地 ， 你 來 拍 吧 。 各 有 各貢 獻 的 角 色 ， 只 是 論 人 時 先 念 及 自 己 做 不 來 ， 也 該 體 諒 該 工 作 有 多 艱 難 專 業 ， 商 管理 念 之 一 ， 過 份 斥 責 痛 罵 ， 員 工 事 後 會 小 心 得 不 做 不 錯 ， 寬 恕 鼓 勵 往 往 更 能 令 人 不再 重 複 犯 錯 。 我 想 說 的 當 然 不 單 是 辦 公 室 內 的 和 諧 之 道 。

Beirut - Postcards From Italy (Live)

來自東歐...由一位只是19歲的Zach Condon 領軍的八人樂團, 令人愛不釋手...很久沒有聽過d咁正既band!

奸人堅

很喜歡這套劇集...原因只得一個...「黃子華!!」...以前石堅系「黃飛鴻醒獅獨霸梅花樁」中「奸人堅」既形象我不是太有印象...我只係覺得黃子華演奸人堅呢個角色絕對適合!

天才真係天才, 一舉手一投足一個表情一句對白...足以令人發笑...

不要以為容易, 換轉另一位演員做番同一樣野...我好肯定不會這麼好笑!

笑匠...有時係天生的.

奸人精彩語錄:

「咁大條鍊，咁細隻手指公。唉… 你有乜做得成功。」（第4集）

「有恩未報未算差，有仇不報正人渣。」（第1集）

「以和為貴，遲早乞米，三十六著，恃強凌弱。」（第1集）

YouTube

近日常常遊覽YouTube網站尋找我喜愛的音樂....可能你會覺得我out...這麼遲才用...

不過...不得不承認...發明YouTube個兩位人兄真是天才...間接令我們更快取得資訊.

本世紀最偉大發明之一...肯定係YouTube!

回來了

去完旅行回來...有些感受想分享, 不過要遲d先...總括來講呢個旅程絕對值得一遊, 喜愛西方歷史既朋友更加是不容錯過, 而且風景真係靘絕!

未睇感受, 先睇相片, 影左500多張相, 精選130張俾大家睇下...

U2 - Miss Sarajevo

戰爭永遠令人帶不到和平, 中學時期一首自己好鍾意既歌, 隨著Pavarotti的離去, 係CD架到再搵番呢首歌, 依舊令人感動!!

部屋初回大公開

發覺自己最近對唱片發燒熱一點也沒有減退...以前小學時期鍾意聽廣東流行曲, 中學時期鍾意聽英倫音樂, 大學時期鍾意聽另類音樂, 現在呢? 對發燒唱片情有獨鍾, 唱片發行商好似...風行, 雨林, 妙音...通通都愛不釋手, 歌手好似...童麗, 陳潔麗...每出新碟一定捧場...最近更對Jazz 產生興趣...Venus Record 出品既 Cd...真係正到痺! 音樂...真是永遠也聽不完...

(酒桶仔)
(電視機櫃) (CD 櫃)

(Marantz 音響)

旺角高價收購

因為想買Canon 860 IS (28mm 鏡頭, 9點 face detection, 防手震) 用黎去旅行影d靚相, ...昨日終於賣了自己部Canon IXUS 65, 之前走去問瘋澤, 個sales 話回收價 $700, 已經想賣, 但諗下旺角西洋菜街有好多收買攤檔, 於是昨日夜晚去到...先問第一個...佢睇左兩野, 接著打個電話:「喂, 有部Canon 65, 6百萬像素, 少少花, 幾錢呀?」收線, 然後同我講:「$800」...我已經好想賣啦...但係都係問多檔先, 去到第二檔, 問佢幾錢, 佢反問我想幾錢, 我話起碼$800 (其實自己蠢左, 應該話高d價錢), 佢話唔得, 我想走...佢突然叫我去對面個檔再問...於是我又去到佢所指個檔, 有個大陸哩, 好似好興奮咁, 係咁試我部機, 問我想賣幾錢, 我又話起碼$800, 接著佢打個電話(語調有d似倪匡):「喂, 有..有部Canon 65, 6百萬像素, 你過黎睇下?」其間問我有冇盒, 我話你要既話第二日先俾到你...不久, 另一個大陸哩黎到, 試左兩野, 我話如果你俾$850, 我就賣俾你...佢考慮左一陣, 成交!

後記: 我覺得如果真係想賣高d價, 可以問多幾檔 (我只問了兩檔), 睇清楚佢地個水位先, 同埋可以連盒, 配件, 個張弱雞32mb ram card 所有野俾晒佢, 我想價錢一定可以賣得高d (我只係齋機連電池賣俾佢).
今日去左百老匯落左訂, Canon 860IS 真係勁, 第一批貨...幾日內全港所有商店已經掃清...而家要等第二批貨...點解去百記買? 因為鍾意佢送Canon 機袋 (瘋澤唔係)

別睇小"三行"這行業

經過三個月時間...我間舊居總算裝修完成...遲些會post一些相片上來..當然, 音樂鑑聽會也少不了...識音樂的人..我一定會邀請你們來我家聽聽音樂...

大家真的不要睇小三行這行業, 幾年前老懵董八萬五累到這行業暗淡, 近幾年經濟愎蘇, 三行接生意接到手軟, 負責我家的三行師傅"強哥"說很多時候想搵人幫手都困難, 在這三個月, 不斷和他討論裝修事宜, 很多時傾到夜晚十二點, 真係累到痴線, 不過, 亦從他的對話中學到好多裝修知識...呢d真係長年累月既經驗...

門, 鎖, 窗, 拗, 磚, 燈光, 地台, 電線, 高度....原來所有野都大有學問!!

對呢份辛苦既行業, 從而多加尊重!

P.S. 支持紮鐡佬! 無良狗僱主, 剝削一班為佢地賣苦力的僱員, 自己係寫字樓high tea 賺大錢, 曾x權話甚麼二十年黎經濟最好.......簡直笑話!!

Tokyo Cafe偏愛東京味

上個月已買了這張唱片..有些歌曲很正, 很適合悠閒時聽...

「來自東京悠閒的午後，樂活音樂的新浪潮極簡樸實與舒適有機感，這就是Café Music名作家．新井一二三,鍾文音知情推薦

晴天,陰天，下雨天，誰也有時需要離開現實去一下遙遠的城市，在露天咖啡廳坐下來，懶懶地喝杯espresso，也暫時忘記減肥，把大量白糖放進去，盡情享受人生之苦與甜。或者自己兜風去，把CD音量調到最大聲？總之，嬌縱自己是必須的。推薦《Tokyo Café》。名作家．新井一二三

東京大城，物質光燦，流動其中常感急迫，匆匆。只有被這樣的音樂包圍---帶著野貓似的輕快節奏，高度明亮色彩的旋律，有些喧鬧的快樂。我的心就忽然將城市的天際線變低了，遂看見了雲和光。名作家．鍾文音」

香港人對打風的心態

近日係地下天文台閱到一篇文章, 很有同感...全文是這樣的...

http://weatherblogger.mysinablog.com/trackback.php?id=717332

2007香港高級視聽展

香港AV展8月10-12日係會展舉行...正呀...可以去見識下甚麼叫靚聲靚畫啦!

「今年《2007香港高級視聽展》展覽規模進一步擴大，展覽空間共分三層，包括400系列會議室、600系列會議室，以及展覽廳5B，今屆《2007香港高級視聽展》參展商多逾120間，展出產品總值超逾一億港元。

與往年一樣，今年的視聽展內展出的大部份器材，可以提供現場試聽，讓各大市民、以及「音響發燒友」，親耳、親眼、親身的感受仿如身處現場的音樂演奏，以及媲美大劇院的神奇效果。」...stereosound.hk

安全抵達!

Pioneer Pure Malt Speaker S-A4SPT-VP (酒桶仔) 到達了!!

..想不到這麼快...7月14日才在日本, 7月16日已送到家中...

拆開來看, 果然好靚, 而且幾重, 期待它的聲音!

P.S. 為甚麼有兩對? 因為兩對運費相對平d, 而且買兩對有折, 其中一對我會係網上放出去, 賣$6300, 睇下有冇人要.

海外發送

之前談及購置Front Speaker 問題...最後決定買Pioneer 酒桶仔, 其他牌子不是不好, 只是...ProAc R8S (成萬蚊, 仲要係大陸做), Dynaudio 110 (難推, 除非你個amp夠力啦), PMC DB1+ (ok, but not very attractive), NHT Classic Two (我覺得唔掂)

都係酒桶仔抵玩, 而且係TAD 系!!

甚麼是TAD?

答案: http://www.review33.com/review/review.php?reference=tad_tsm-300

透過Japan Net Shopping 買對酒桶仔, 因為搜遍全香港也找不到, 交易成功, 現在坐船過黎 by EMS, 期待中!

行山記

自己很少行山, 在7月8 日和大學同學、Cherry & Andrea 去左西貢東行山...途經西灣, 鹹田, 大灣, 東灣, 赤徑...真係大開眼界, 想不到香港也有這麼美麗的沙灘和風景!

雖然當日天氣熱到爆燈, 但係一班人一齊行山, 有講有笑, 確是令人賞心樂事!

不過我認為下次行山如果能夠符合下列條件, (對我來說)會更好..

1) 天氣一定要涼爽

2) 6小時行程有點兒吃不消, 而且Paul哥太fit啦, 行得超快!!

3) 目的地點可以只有一、兩個, 為左去晒而趕快前進...苦了自己, 同時亦失去行山樂趣

閃靈十年經典

很久沒有聽過這種令人振奮的音樂!!
坦白說, 現在那些外國音樂很多都不外如是...商台日日吹噓mika...令人作嘔...

前日經過信和地庫, 幸運地被我發現台灣閃靈樂團原來上年出左隻十年回顧...
大家現在聽到這首音樂就是出自他們!!...急激的節奏, 猛烈凶悍的結他, 高潮迭起的二胡, 華麗浩瀚的絃樂, 氣勢磅礡的鼓...一氣呵成的作品, 實在太正啦!!

續談尋找音色之路

上次講那對PureMalt Speaker...網上還未有回覆...現在仍然不知是否可以買到...尋找香港公司...只有一間"可能"有...位於中環...於是星期六走去睇睇...點知個Sales..話冇貨, 連對陳列品都賣埋, 問佢幾時有, 佢話都唔清楚, 可能一兩個星期, 或者一兩個月!!..又話即使訂都要排隊...(有冇咁誇呀?)...而且仲要賣$6800! ...

接著走去尖沙咀海洋中心..諗住試聽一對又係好hit既Speaker...ProAc R8S...7點幾去到一間叫狄龍既影音公司...問佢對R8S 幾錢, 佢話$11800! 跟住叫佢播黎聽下, 個sales 話冇插線, ok..fine..咁叫去播對次一級型號(R8...$10800!) 黎聽下, 佢話已經熄左機, 就快收工, 話開機要煲wor, 下次make booking 黎聽...diu! 痴撚線, 你開得門就代表未收工啦, 諸多藉口, 煲煲煲...煲你老未咩, 係好聲就未煲都好聲, 唔通我買左番屋企, 日後放工返屋企聽歌, 要早一個鐘打番屋企叫阿媽開機呀?..請埋晒d on鳩又懶既sales, 遲早執笠..講番呢對R8S, 駛唔駛咁貴呀...無錯, ProAc係英國牌子, 但係ProAc 係大陸做speaker...$11800買大陸做既Speaker...我覺得唔值啦...價錢係英國, 貨品係大陸...shit!

不過, 令我高興的是終於買左新amp, 本來諗住買Marantz SR6001, 開價$6900, 點知my dream amp SR7001 減價...由原價$8950..減到$7850, 跟住sales 俾95折, $7450...最後Marantz 廠再減$500, 折實$7011!! 自己心目中既budget 可以買到dream amp...太開心啦!