睇之前都懷疑過係唔係真係咁好睇? 係唔係真係咁大受好評? 入場睇完之後, 感覺是呢場show真係無懈可擊!!
詹瑞文真係好利害, 一舉手一投足, 每一個表情, 都係充滿舞台演藝細胞, 一場show, 就只得他一個人, 感染力已經爆滿, 演足三個多小時!! .....完全沒有反感, 有唔少情節更另人拍案叫絕, 亦另人有反思空間, 相比其他我睇過的舞台劇...(東宮西宮, 歌神英雄傳...) 萬世歌王真係超晒班!!...其中有一節是詹瑞文一人分析多角, 快速的角色轉換, 真係令人睇到目瞪口呆啊!!
值得一提是當中舞台設計好靚, 音響效果更是一流, 一位這麼出色的演員, 有這麼好的環境配合...演出當然更加完美啦!!
No comments:
Post a Comment