行山記

自己很少行山, 在7月8 日和大學同學、Cherry & Andrea 去左西貢東行山...途經西灣, 鹹田, 大灣, 東灣, 赤徑...真係大開眼界, 想不到香港也有這麼美麗的沙灘和風景!

雖然當日天氣熱到爆燈, 但係一班人一齊行山, 有講有笑, 確是令人賞心樂事!

不過我認為下次行山如果能夠符合下列條件, (對我來說)會更好..

1) 天氣一定要涼爽

2) 6小時行程有點兒吃不消, 而且Paul哥太fit啦, 行得超快!!

3) 目的地點可以只有一、兩個, 為左去晒而趕快前進...苦了自己, 同時亦失去行山樂趣

閃靈十年經典

很久沒有聽過這種令人振奮的音樂!!
坦白說, 現在那些外國音樂很多都不外如是...商台日日吹噓mika...令人作嘔...

前日經過信和地庫, 幸運地被我發現台灣閃靈樂團原來上年出左隻十年回顧...
大家現在聽到這首音樂就是出自他們!!...急激的節奏, 猛烈凶悍的結他, 高潮迭起的二胡, 華麗浩瀚的絃樂, 氣勢磅礡的鼓...一氣呵成的作品, 實在太正啦!!

續談尋找音色之路

上次講那對PureMalt Speaker...網上還未有回覆...現在仍然不知是否可以買到...尋找香港公司...只有一間"可能"有...位於中環...於是星期六走去睇睇...點知個Sales..話冇貨, 連對陳列品都賣埋, 問佢幾時有, 佢話都唔清楚, 可能一兩個星期, 或者一兩個月!!..又話即使訂都要排隊...(有冇咁誇呀?)...而且仲要賣$6800! ...

接著走去尖沙咀海洋中心..諗住試聽一對又係好hit既Speaker...ProAc R8S...7點幾去到一間叫狄龍既影音公司...問佢對R8S 幾錢, 佢話$11800! 跟住叫佢播黎聽下, 個sales 話冇插線, ok..fine..咁叫去播對次一級型號(R8...$10800!) 黎聽下, 佢話已經熄左機, 就快收工, 話開機要煲wor, 下次make booking 黎聽...diu! 痴撚線, 你開得門就代表未收工啦, 諸多藉口, 煲煲煲...煲你老未咩, 係好聲就未煲都好聲, 唔通我買左番屋企, 日後放工返屋企聽歌, 要早一個鐘打番屋企叫阿媽開機呀?..請埋晒d on鳩又懶既sales, 遲早執笠..講番呢對R8S, 駛唔駛咁貴呀...無錯, ProAc係英國牌子, 但係ProAc 係大陸做speaker...$11800買大陸做既Speaker...我覺得唔值啦...價錢係英國, 貨品係大陸...shit!

不過, 令我高興的是終於買左新amp, 本來諗住買Marantz SR6001, 開價$6900, 點知my dream amp SR7001 減價...由原價$8950..減到$7850, 跟住sales 俾95折, $7450...最後Marantz 廠再減$500, 折實$7011!! 自己心目中既budget 可以買到dream amp...太開心啦!

龍鼓灘

黃昏時候...到屯門龍鼓灘走走...這裡有得bbq...環境雖然不是太靚...但挺舒服的

Band房移動

星期六晚終於搬Band房了...之前考慮Book車問題...已經解決!

因為我們鼓手阿Yin用左佢公司既大貨車...型爆!!

個半鐘, 走兩轉, 極速搬晒!

真正海鮮!!

端午節...去左赤柱睇龍舟競賽...好多人, 又熱又晒, 同埋勁多外國人...講真...係屋企睇仲正...

夜晚...為左介紹俾Swiss Girl...香港Sea Food係 Asia World City Top 1...去左鯉魚門食海鮮...個度真係勁多酒樓同海鮮檔...d人通常都係自己去海鮮檔買海鮮...然後去酒樓加工, 我地幫襯左一間叫 "快樂海鮮酒家"...去海鮮檔買左龍蝦, 帶子, 蟹, 魚, 喇尿蝦, 蜆...六樣野, 老闆話送中蝦同埋湯...
再加碟菜, 八餸一湯

味道可以話係超正, 份量亦都好足, 帶子, 喇尿蝦 size 係勁大, 街市甚少見過咁大...回味無窮!!

埋單每人三百幾, 抵唔抵? 我覺得食海鮮呢個價錢都合理, 而且冇呃人, 明碼實價, 所以絕對值得一試!

Democwall 告別10樓C Live!

6月18日...瘋狂的一晚...由夜晚10點開始...唱到12點...多謝朋友蒞臨我們band房準備搬前之告別10樓C演出, 亦多謝朋友友情客串...

熱切期待我們的10th Anniversary of Democwall Bandshow!

It's coming!

Pioneer Pure Malt Speaker

近日真係忙到痴線...屋企裝修, 諗傢俬設計, 上大陸睇磚, Band房搬屋, 又要攪甚麼告別bandshow, 得閒仲要介紹香港俾個Swiss friend...每日睡得五粒鐘....溫家寶總理, 我明白你的心情啦, 辛苦你啦.



不過, 最令我興奮的是將會買一套新hi-fi for 我的新居, 呢兩個月去過唔少hi-fi 舖聽過不同speaker...價錢由$3000-$15000...我想呢一對Pioneer Pure Malt Speaker 會是我的心水啦...



如果ipop係mp3潮物, Pioneer Pure Malt Speaker (俗稱酒桶仔) 絕對係hi-fi友潮物, 網上贊美它的聲音實在太多,話它足以媲美$30000 range speaker, 話d聲好到難以令人相信是由這對喇叭仔做出來, 有人話帶朋友回家試聽, 十個有五個聽完後都買左一對, 更有人話如果閉上雙眼, 聽小提琴cd同現場拉既聲音冇分別...哈哈, 真係咁正? 我買左...試下就知, 當然, 如果對音樂有興趣既朋友, 遲d一齊黎我家聽下啦...



P.S. 48000 Yen 一台 (即係一隻, 日本仔最興用一隻價錢計), 即係96000 Yen 一對, 值唔值? 我都想知...

萬世歌王

睇之前都懷疑過係唔係真係咁好睇? 係唔係真係咁大受好評? 入場睇完之後, 感覺是呢場show真係無懈可擊!!

詹瑞文真係好利害, 一舉手一投足, 每一個表情, 都係充滿舞台演藝細胞, 一場show, 就只得他一個人, 感染力已經爆滿, 演足三個多小時!! .....完全沒有反感, 有唔少情節更另人拍案叫絕, 亦另人有反思空間, 相比其他我睇過的舞台劇...(東宮西宮, 歌神英雄傳...) 萬世歌王真係超晒班!!...其中有一節是詹瑞文一人分析多角, 快速的角色轉換, 真係令人睇到目瞪口呆啊!!

值得一提是當中舞台設計好靚, 音響效果更是一流, 一位這麼出色的演員, 有這麼好的環境配合...演出當然更加完美啦!!

劇場組合: http://www.theatreensemble.com/02news/performance.html

我會搞好呢個缸!

我會搞好呢個缸!

I will get my pond done!

經個花園阿姨表述, 加上魚池水 (PH, NO2) 測試, 再加埋一d養魚書籍說明後, 我認為上次死魚事件, 原因係白點病! 成因有兩個, 1) d新魚本身有病, 傳染俾舊魚 2) d新魚唔適應氣候變化

所以今次買魚前, 先去旺角金魚街買d野, 有氣泵, 磅, 消炎濟, 白點病藥水, 藥浴, 準備好後, action!

1) 將買番黎d新魚原袋放落魚池, 適應水溫, 約30分鐘

2) 準備膠筒兩個, 注入魚池水, 泵氣, 每個放0.3g藥浴, 2ml消炎濟, 100g海定鹽

3) 魚池放30ml白點病藥水

4) 將新魚放入膠筒隔離, 約20小時, 期間不要餵飼

5) 第二日就可以將新魚放入魚池啦

希望今次成功吧!

壁桂園

食得招積, 住得舒適, 遊得出色, 旅遊超值, (順德、廣州、番禺、佛山)旅遊搵我啦

招積出色舒適超級超值!

雖然不太夠目訓, 但能夠和一班朋友遠離煩囂的生活...到處吃喝玩樂...確是令人感到愉快非常

只要大家得閒, 除時歡迎大家上去再玩...

P.S. 相片由阿芬提供

陳輝陽《十二金釵眾生花》

睇左答問大會, 個個都話曾蔭權唔好, 梁家傑又點樣好...., 我呸!!!!!!!!!!!!! (遲d先發表個人見解), 不過, 我要重申: 我唔贊成普選, 更不贊成一人一票, 袋巾唔好拖我落水, 我剩係想經濟好, 香港好, 人人溫飽, 我唔要亞洲民主, 我唔要香港成為第二個泰國, 菲律賓, 台灣...有民主, 冇工開......你地班走狗成日阻擋政府推行政策, 阻住地球轉, 幾百億工程左諮詢, 右諮詢, 遲遲都未能去馬, 搞到建造業d人冇工開, 駛唔駛特首呵尿又要諮詢下你呀??? 而家財政有五百億又話派糖少, 你老味, 派係人情, 唔派係道理, 你咁x慷慨, 你將副身家俾晒d窮人, 自己賣剩條底褲上去答問大會啦, 笨!! 港英餘孽大狀王, 非你莫屬!

這是今屆香港藝術節其中一個節目, 只演兩場 (2/3 -3/3), 我地睇第一場, 好唔好睇?

答案係好睇呀!!

首先我對那些由陳輝陽全新創作的作品非常喜歡, 如果遲d出cd, 我一定買, 個人認為陳輝陽是本地其中一位最出色的作曲人, 昨晚表演由陳輝陽做指揮, 配以小提琴, 中提琴, 大提琴, 低音大提琴, 長笛, 鋼琴/鋼片琴/電子合成器, 豎琴, 二胡, 古箏...加上十二套短片

Programme:

1. 眾生花 序曲 - 陳輝陽

2. 荼蘼時代 - 彭浩翔

3. Homo Sapiens - 卓韻芝

4. 我自跳我舞 - 夏永康

5. 愛情動物 - 小克

6. Vissi d'arte - 林夕X夏永康

7. 想這樣得那樣 - 蔡卓妍

8. 星星月亮太陽 - 高輝

9. 酒渦與燕窩 - 古天樂

10. 走出紅樓 區雪兒

11. So Poetic - 麥婉欣

12. 流芳怨 - 鄭秀文

13. 三千年後 - 金培達

14. Credits

再配一d非常合襯的女聲 (上網睇番原來唱歌個幾位係林二汶, 關心妍, 馮穎琪) , 林夕的詞, 一首又一首完美作品就此誕生, 令人聽得好舒服! 特別喜歡第十三首---三千年後 - 金培達, 感覺好似我首經典---甲級戰犯, 不過係advanced level, 旋律好正, 而最特別是當中現場獨白...係由李香琴演繹呀!